ءداستۇر: ءسۇر ەت تۋرالى دەرەكتەر

استانا. قازاقپارات - ءسۇر ەت. سۇرلەۋ دەگەنىمىز -  ەتتى قاقتاپ، تۇزداپ ساقتاۋ. ءسۇر ەت ەرەكشە ءدامدى بولادى. وزىنە ءتان ءيىسى وتە جاعىمدى.

ادەتتە ەتتىڭ سۇرپى جاعى، ياعني قازى، قارتا، جال، جايا، ومىرتقا، ءتوس ەتتەرى عانا سۇرلەنەدى. سۇرلەۋ ءۇشىن ەت جۇقالاپ قاقتالادى. ۇساق تۇز سەۋىپ، كولەڭكە ءارى جەل سوعىپ تۇراتىن ورىنعا جايىپ كەپتىرىلەدى.

كەزىندە قازاقتار ەتتى ابدەن تۇزداپ، ۇنعا تىعىپ تا ساقتاعان.

كەي جەرلەردە ەتتى ىستاپ تا سۇرلەيدى. ول ءۇشىن قاقتالعان ەت ابدەن سورعىعان سوڭ ارنايى شوشالاعا ءىلىنىپ، استىنا ءتۇتىن سالىنادى. ءسويتىپ شوشالانىڭ ەسىگى مىقتاپ جابىلادى. ەت ىستاۋ ءۇشىن توبىلعى، قاراعان، ارشا، شىرشا جاققان دۇرىس.

سونىمەن ەتتى تەمپەراتۋسى 50-  60° قويۋ تۇتىنگە 12-  18 ساعات ۇستاۋ كەرەك. ىستالدى-  اۋ دەگەن كەزدە جىلىلىعى 10-  12 گرادۋس ورىندا 6-  8 ساعات سۋىتىلادى.

ءسۇر ەت تەك اسىپ پىسىرىلەدى. ول ءۇشىن اۋەلى اساتىن ەت سالقىن سۋمەن جۋىلىپ، 30-  35 گرادۋسقا دەيىن جىلىتىلعان سۋعا سالىنىپ قايناتىلادى. جاقسى سۇرلەنگەن ەت جەلكە سياقتى تارام-  تارام بولىپ پىسەدى.

پىسكەن ءسۇر ەت تاقتاي ۇستىنە سالىنىپ، جۇقا ەتىلىپ جاپىراقتاپ تۋرالادى. سودان سوڭ جايپاق ىدىسقا ادەمىلەپ سالىنادى دا جيەگى دوڭگەلەكتەپ تۋرالعان پيازبەن اسەمدەلەدى.

 

 دەرەككوزى: http://www.uniface.kz