رەسەيلىك فوتوگراف ەرەكشە سۋرەتتەرىن ءتۇسىرۋ ءۇشىن ەشكىم تۇرمايتىن اۋىلدى تولىعىمەن جاعىپ جىبەردى. ونىمەن قويماي، قاڭىراپ قالعان شىركەۋلەردى قارا تۇسكە بوياپ، ءوز ونەرىن باسقا قىرىنان كورسەتۋگە تىرىسقان. دەگەنمەن، ونىڭ بۇل ارەكەتى قوعام نارازىلىعىن تۋعىزدى. ولكە تانۋشىلار، قۇقىق قورعاۋشىلار، بلوگەرلەر مەن جۋرناليستەر بايبالام سالىپ، جاس فوتوگرافتى قىلمىستىق جازاعا تارتۋدى تالاپ ەتتى.
قازىرگى كەزدە جەلى قولدانۋشىلارى تكاچەنكونىڭ ءوز فوتولارىن قاي جەردە جاساعانىن تاپپاي وتىر. ونى فوتوگرافتىڭ ءوزى دە جاريا ەتكەن جوق.
ايتا كەتكەن ءجون، 28 جاستاعى دانيلا تكاچەنكو - كاندينسكي اتىنداعى سىيلىقتىڭ نومينانتى. بۇدان بولەك، World Press Photo پرەمياسىنىڭ لاۋرەاتى اتانعان.
اۆتور: ارمان اسقاروۆ