قالانىڭ ءۇش پەريناتالدىق ورتالىعىندا تۇنگى اۋىسىمدا 27 ءسابي ومىرگە كەلدى. ونىڭ 11- ءى - ۇل، 16-سى قىز بالا. ءبىرىنشى جەلتوقساندا ءبىرىنشى بولىپ تۋعان ۇل بالانىڭ ەسىمى - نۇرسۇلتان، ال قىز بالانى اتا- اناسى ءاليما دەپ اتاعان.
اتاۋلى مەرەكەمەن وتباسىلىق قۋانىشتارىن بىرگە اتاپ ءوتىپ جاتقان جانۇيالار ەلوردا اكىمدىگىنىڭ سىي- سياپاتىن يەلەندى.
ەسىل اۋدانىنىڭ اكىمى ەرماعامبەت بولەكبايەۆ پەن دەنساۋلىق ساقتاۋ باسقارماسىنىڭ باسشىسى كامالجان نادىروۆ №1 پەريناتالدىق ورتالىقتا بوسانعان ايەلدەردى قۇتتىقتادى. ولارعا سونداي- اق استانا اكىمى اسەت يسەكەشيەۆتىڭ قوس مەرەكەمەن قۇتتىقتاۋ حاتى تابىستالدى.
«ستاتيستيكاعا سۇيەنسەك، ەلوردادا جانە جالپى العاندا ەلىمىزدە جىل سايىن بالا تۋۋ كورسەتكىشى كوبەيىپ، ءولىم- ءجىتىم ازايىپ كەلەدى. وتكەن جىلى استانادا 27 مىڭنان استام ءسابي دۇنيەگە كەلدى. اعىمداعى جىلدىڭ 10-ايىندا 23 مىڭ نارەستە تۋدى. بۇل وتكەن جىلمەن سالىستىرعاندا 900 بالاعا ارتىق»، - دەدى دەنساۋلىق ساقتاۋ باسقارماسىنىڭ باسشىسى كامالجان نادىروۆ.
بۇگىندە قالادا ءۇش پەريناتالدىق ورتالىق بار. ولاردىڭ بارلىعى جوعارى ماتەريالدى- تەحنيكالىق بازاعا جانە ءۇشىنشى دەڭگەيلى ساناتقا يە. اتالعان دەڭگەيگە يە پەرزەنتحانالار اۋىر جاعدايداعى جۇكتى ايەلگە وتا جاساپ، بوساندىرا الادى.
جالپى استانادا تاۋلىگىنە ورتا ەسەپپەن 70 بالا دۇنيەگە كەلەدى.