ەنەرگەتيكا مينيسترلىگى استاناداعى كوك تۇتىننەن ارىلۋ جولدارىن اتادى
دەپ حابارلايدى «قازاقپارات» ح ا ا ءتىلشىسى.
ءتيىستى ورگانداردىڭ تاراپىنان قولعا الىنىپ جاتقان شارالاردىڭ ارقاسىندا ءبىرشاما شەشىمىن تابۋى كەرەك.
«جاقىن ارادا ەنەرگەتيكا مينيسترلىگى وسى ماسەلەگە قاتىستى ءبىرسىپىرا اقپارات بەرگەن. وزدەرىڭىز بىلەتىندەي، قازاقستاننىڭ ورتالىق وڭىرلەرىن گازداندىرۋ ماسەلەسى بويىنشا قۇجاتتار مەملەكەتتىك ەكولوگيالىق ساراپتاماعا جىبەرىلگەن. بيىلعى جىلدىڭ ورتاسىنا قاراي قۇجاتتار ساراپتامادان ءوتىپ، وڭ قورىتىندىسىن الدى. قازىرگى ۋاقىتتا بۇل ماسەلە ۇكىمەتتە تالقىلانۋدا»، - دەيدى عاني سادىبەكوۆ.
ۆيتسە- ءمينيسترىڭ ايتۋىنشا، استانا اۋاسىنىڭ لاستانۋىنا نەگىزىنەن ەنەرگەتيكالىق كەشەندەر سەبەپ بولىپ وتىر.
«استانانى گازداندىرۋ جۇيەسىنە كوشىرۋ ارقىلى وسى ماسەلەنى شەشۋگە بولادى. ەكىنشىدەن، شىعارىلىمنىڭ ءبىر بولىگى اۆتوكولىكتەن بولىنەتىنىن جاقسى بىلەسىزدەر. قازىر استانا اكىمدىگى مەن ءتيىستى ورگاندار وسى باعىت بويىنشا بەلسەندى جۇمىستار جۇرگىزۋدە. قوعامدىق كولىكتەردى «ەكولوگيالاندىرۋ» جۇمىسىمەن قاتار، ءتيىستى وكىلەتتى ورگاندار اۆتوكولىكتەردەن گازدىڭ شىعارىلىمى نورمادان اسپاۋى ماسەلەسىن قاتاڭ قاداعالاۋدا. اۆتوكولىكتەردىڭ ءبارىن «ەۋرو-4» ، «ەۋرو-5» تالاپتارىنا كەلتىرۋ جۇمىسى دا بار. ەسكىرگەن، اتموسفەراعا زياندى قالدىقتى كوپ بولەتىن اۆتوكولىكتەردى اۋىستىرۋ قولعا الىنىپ، بىلتىردان باستاپ بارلىق 16 وڭىردە ەسكى كولىكتەردى قابىلداۋ ءجۇرىپ جاتىر. مەنىڭ ويىمشا، وسىنداي شارالار لەگى استانانىڭ اۋاسىنىڭ تازارۋىنا سەپتىگىن تيگىزۋى كەرەك» ، - دەيدى عاني سادىبەكوۆ.
اۆتور: ايان بەكەن ۇلى