Associated Press اگەنتتىگىنىڭ حابارلاۋىنشا، رەسەيدىڭ س ۋ-30 ۇشاعى ا ق ش- تىڭ P-8A ۇشاعىنا شامامەن 15 مەتر جاقىن ۇشىپ كەلىپ، امەريكالىق ۇشقىشتى ۇشاق باعىتى مەن بيىكتىگىن وزگەرتۋگە ءماجبۇر قىلعان.
ا ق ش- تىڭ ەۋروپاداعى كۇشتەرىنىڭ وكىلى حۋان مارتينەس رەسەيلىك ۇشاقتىڭ مانيەۆرىن «قاۋىپتى تۇردە قاقپايلاۋ» دەپ اتادى. ول امەريكالىق ۇشاق «حالىقارالىق اۋە كەڭىستىگىندە جوسپارلى وپەراتسيا جاساعانىن» ايتتى. رەسەي قورعانىس مينيسترلىگى امەريكالىق ۇشاق «ۇلكەن جىلدامدىقپەن مەملەكەتتىك شەكاراعا جاقىنداعاندىقتان» اۋەگە يسترەبيتەل كوتەرىلگەنىن مالىمدەدى.
رەسەي ۇشاقتارى حالىقارالىق اۋە كەڭىستىكتەرىندە مۇنداي قاقپايلاۋ ارەكەتتەرىن ءجيى جاسايدى. ءبىراق بيىلعى ماۋسىم ايىنان بەرى مۇنداي «قاۋىپ توندىرە جاقىن كەلۋ» ءبىرىنشى رەت بولىپ وتىر. ماۋسىم ايىندا شتۋتگارتتاعى ا ق ش قولباسشىلىعى بالتىق تەڭىزى ۇستىندە رەسەيلىك يسترەبيتەلدىڭ ا ق ش ۇشاعىنا جاقىن كەلگەنىن حابارلاعان. ول كەزدە رەسەيلىك ۇشاقتىڭ امەريكالىق ۇشاققا جاقىن كەلگەنى سونشا، سۋرەتتەن كابيناداعى رەسەيلىك ۇشقىشتى انىق كورىنگەن.
www.azattyq.org