لاتىن الىپبيىنە كوشۋ جۇمىستارى قاڭتاردا باستالادى
21:51, 28 - قاراشا 2017
استانا. قازاقپارات - لاتىن قارپىنە كوشۋ جۇمىستارى كەلەر جىلدىڭ قاڭتارىنان باستالادى. باعدارلاما قابىلدانىپ، عىلىمي زەرتتەۋ- ادىستەمەلىك جانە ۇيىمداستىرۋدىڭ باس جوسپارى بەكىتىلەدى.
بۇل تۋرالى بۇگىن الماتىداعى تۇڭعىش پرەزيدەنت قورىندا وتكەن دوڭگەلەك ۇستەلدە ايتىلدى. احمەت بايتۇرسىنوۆ اتىنداعى ءتىل ءبىلىمى ينستيتۋتى ديرەكتورىنىڭ ايتۋىنشا، پرەمەر- مينيستر باسقاراتىن ۇكىمەت جانىنان قۇرىلعان ارنايى جۇمىس توبى بىرنەشە باعىتتا جۇمىس جاساپ جاتىر. ياعني، ءتىلدىڭ ۇمىتىلىپ كەتكەن ەمىلە، ەرەجەلەرى قايتا جاڭعىرتىلادى.
ەردەن قاجىبەك، احمەت بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى:
- ناقتى تىلدىك ماسەلەلەردى جەتىلدىرۋگە كىرىسىپ جاتىر. بۇل ەملەگە بايلانىستى، ءتول گرامماتيكامىزعا بايلانىستى، ءسوز جاسامىنىڭ قاعيدالارى، ايتىلۋ، جازىلۋ ماسەلەلەرىنە تىكەلەي بايلانىستى. بۇل جۇمىستار قوعاممەن تىكەلەي بايلانىستا جاسالادى.
www.24.kz