قىتاي كومپانيالارى اقمولا وبلىسىنا ينۆەستيتسيا قۇيۋى مۇمكىن

كوكشەتاۋ. قازاقپارات - اقمولا وبلىسىنىڭ اكىمى مالىك مىرزالين جۇمىس ساپارىمەن قىتاي استاناسى بەيجىڭ قالاسىندا ساپارمەن بولدى، دەپ حابارلايدى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ.

ساپار بارىسىندا ايماق باسشىسى ق ح ر «CITIC» Wang Jiong (نارىقتىق كاپيتالى 50 ميلليارد دوللاردان اسادى) ءىرى مەملەكەتتىك ينۆەستيتسيالىق كورپوراتسياسىنىڭ باسشىسىمەن كەزدەستى. كەزدەسۋ قورىتىندىسى بويىنشا تۋريزم، اۋىل شارۋاشىلىعى، قۇرىلىس، تۇرعىن ءۇي ينفراقۇرىلىمى، اۆتوكولىك جاساۋ جانە استىق وڭدەۋ سالاسىندا ارىپتەستىكتى نىعايتۋ تۋرالى كەلىسىمگە قول جەتكىزدى.

اقمولالىق دەلەگاتسيا دۇنيەجۇزىنە قازىرگى زامانعى تەحنولوگيانى قولدانۋ جانە قالدىقسىز ەلەكتر ەنەرگياسىن شىعارۋىمەن تانىمال «Shenwu» كومپانياسىنىڭ باسشىلىعىمەن جىلۋمەن قامتاماسىز ەتۋ ماسەلەلەرىن تالقىلادى.

ەلىمىزدەگى استىقتىڭ 25 پايىزىن وندىرەتىن اقمولا وبلىسى اۋىل شارۋاشىلىعى تەحنيكالارىن شىعاراتىن قىتايلىق كومپانيالار ءۇشىن قىزىعۋشىلىق تۋدىرىپ وتىر. وڭىردە بىرىككەن كاسىپورىن اشۋ جوسپاردا بار.

سونداي-اق، ايماق باسشىسى «Longyuan Shiying Machinery Production Co. Ltd» ، «YTO Group» ، «Huanghai Jinma Tractor» ، «Longtai Shandong» كومپانيا وكىلدەرىمەن جانە قىتايدىڭ شەتەلدىك ەكونوميكالىق ارىپتەستىگى بويىنشا كورپوراتسياسىنىڭ باسشىلىعىمەن كەزدەسۋ وتكىزدى. «Fortune 500 كىرەتىن» كومپانيانى ازاماتتىق قورعانىس، سۋ قۇبىرلارى نىساندارىن قالپىنا كەلتىرۋ، وبلىس ورتالىعى كوكشەتاۋ قالاسىندا قول جەتىمدى باسپانا سالۋ ءتارىزدى جوبالار قىزىقتىرادى.

الداعى ۋاقىتتا تۋريزم، اۋىل شارۋاشىلىعى، قۇرىلىس، تۇرعىن ءۇي ينفراقۇرىلىمى، اۆتوكولىك جاساۋ جانە استىق وڭدەۋ سالاسى بويىنشا بىرلەسكە كاسىپورىنداردى اشۋ ماسەلەلەرى بويىنشا قىتايلىق كومپانيالاردىڭ جۇمىس توبى وڭىرىمىزگە جۇمىس ساپارىمەن كەلەتىن بولادى.