مۇنداي ولجاعا مۇمكىندىگى شەكتەۋلى ازامات اجەسىنەن قالعان شۇبەرەكتىڭ ارقاسىندا يە بولعان. بۇل تۋرالى rep.ru-عا سىلتەمە جاساپ Stan.kz حابارلايدى.
سورەدە 7 جىل بويى جاتقان ەسكى شۇبەرەك ناۆاحو ۇندىستەرىنىڭ جۇمىسىنا قاجەتتى تاپتىرماس قۇرال بولىپ شىققان. اتالعان شۇبەرەكتى ازامات ومىردەن وزعان اجەسىنىڭ كوزى رەتىندە ساقتاپ كەلگەن. سەبەبى قۇندى دەگەن زاتتاردى وتباسىنىڭ وزگە مۇشەلەرى ەنشىلەپ العان.
لورەننىڭ ايتۋىنشا، اجەسى قايتىس بولعان سوڭ ول وزىنە مۇرا رەتىندە قالعان كىتاپتاردى الماقشى بولعان.
«قالعان دۇنيەنىڭ ءبارىن اپكەم مەن ونىڭ اناسى تالان- تاراجعا سالعان. ولار قول سۇقپاعان جالعىز زات - ەسكى كورپەشەلەر سالىنعان قاپ. ىشىندەگى جۇمساق ماتالى كورپەشەنى اپكەم الدى، ال ەسكىسىن كەرەك قىلمادى»، - دەپ ەسكە الدى لورەن.
بۇدان كەيىن، لورەن جەرگە ءتۇسىپ قالعان ەسكى كورپەشەنى كوتەرىپ، اجەسىنىڭ كوزى رەتىندە قالدىرىپ قويعان. شىن مانىندە قىرۋار قارجى تۇراتىن بۇل زاتتى لورەن 7 جىل بويى سورەدە ساقتاپ كەلگەن.
جەتى جىلدىڭ ىشىندە لورەننىڭ كورمەگەنى جوق. 2007 -جىلى جانتۇرشىگەرلىك جول اپاتىنا ۇشىراعان ول بۇدان كەيىن ەڭبەككە قابىلەتسىز بولىپ قالعان. اقىرىندا قارجىلىق قيىنشىلىقتارعا تاپ بولعان ول قوس پەرزەنتىن اتاسى مەن اجەسىنە بەرىپ جىبەرۋگە ءماجبۇر بولعان.
«جاعدايىمىز قيىن ەدى. كەيدە حوت- دوگ پەن كولا الۋ ءۇشىن دۇكەنگە باراتىنبىز، سەبەبى ونىڭ باعاسى نەبارى 1,5 دوللار تۇراتىن»، - دەيدى لورەن.
الايدا 2011 -جىلى ازامات ءومىرىنىڭ كۇرت وزگەرگەنىن ايتادى. ءدال وسى ۋاقىتتا ول «Antiques Roadshow» باعدارلاماسىن كورىپ قالىپ، قولدا بار شۇبەرەگىنىڭ قۇندى زات ەكەنىن بىلەدى.
«باعدارلامانى توقتاتىپ قويىپ، سورەدەن ءوز كورپەمدى الىپ كەلدىم. ونى تەلەديدارداعىمەن سالىستىردىم. قاتتى ۇقسادى. شوۋداعى باعالاۋشى بۇل زاتتىڭ 300-500 مىڭ دوللاردىڭ اراسىندا تۇراتىنىن ايتتى. مەنىكىن ءارى كەتسە 5 نە 10 دوللارعا باعالايتىن شىعار دەپ ويلادىم»، - دەيدى لورەن.
بۇدان كەيىن امەريكالىق ازامات شۇبەرەكتى بىرنەشە باعالاۋشىعا الىپ بارعان. ولاردىڭ باسىم بولىگى ازاماتتىڭ بەتىن قايتارعان. ءۇمىتى ۇزىلگەن شاقتا John Moran Auctioneers دۇكەنىنە تاپ بولعان- دى. ونداعى تانىمال باعالاۋشى مامان دجوشۋا بەرا توقىما ماتانىڭ وتە باعالى ەكەنىن، ول ءۇشىن 200 مىڭ دوللار تابىسقا كەنەلەتىنىن ايتقان. الايدا ەكى اپتانىڭ ىشىندە اتالعان شۇبەرەك 1,5 ميلليون دوللارعا ساتىلىپ كەتكەن.
اۋكسيوننان كەيىن ءبىر كەزدەرى ەسىمىن ەسكە دە الماعان تۋىستارى لورەندى ىزدەي باستاعان- دى. ءتىپتى، تۋعان اپكەسى لورەندى سوتقا بەرىپ، قارجىنى وزىنە الماقشى بولعان. الايدا ونىڭ بۇل تالپىنىسى ءساتسىز شىققان- دى.
تاپقان تابىسىنا لورەن جاڭا ءۇي مەن كولىك ساتىپ العان.