بيولوگيا عىلىمدارىنىڭ كانديداتى اناتولي ليەۆيننىڭ مالىمدەۋىنشە، بۇرىن مىڭنان اسا يتەلگى بار ەدى. قازىر سيرەگەن. «قۇستاردىڭ بۇل ءتۇرىنىڭ ازايىپ كەتۋىنىڭ بىردەن- ءبىر سەبەبى - براكونەرلەر»، - دەيدى عالىم. ويتكەنى اراب ەلدەرىندە يتەلگىگە دەگەن سۇرانىس جوعارى.
ال بۇركىتتىڭ سانى كەرىسىنشە ازداپ ارتقان. قازىر ەل اۋماعىندا مىڭنان اسا بۇركىت بار. بۇعان ەرەكشە قورعالاتىن قورىقتار مەن ۇلتتىق تابيعي پارك اۋماقتارىنىڭ ەداۋىر ۇلعايۋۋى سەپ. دەگەنمەن قۇس سالىپ، ءيت جۇگىرتەتىن اڭشىلار، ياعني بەكزات ونەردى سەرىك ەتكەندەردىڭ دە قازىر قاتارى ازايعان.
اناتوليي ليەۆين، بيولوگيا عىلىمدارىنىڭ كانديداتى:
- ەكى مىڭىنشى جىلداردىڭ باسىندا الماتى ماڭىندا، راديۋسى 200 شاقىرىم جەردە يتەلگىنىڭ 30-عا جۋىق ۇياسى بولعان. ولاردى جىل دا باقىلاپ تۇراتىنبىز. قازىر مىقتاسا، سولاردىڭ ۇشەۋىندە عانا يتەلگىلەر جۇمىرتقا باسادى.
باعدات مۇپتەكە قىزى، «قىران» فەدەراتسياسىنىڭ اتقارۋشى ديرەكتورى:
- قازىرگى بۇركىت ۇستاپ جۇرگەندەردىڭ بارلىعى - سول كەزىندە اتا- باباسى، اكەسى بۇركىت ۇستاعان بالالار. ال ولاردىڭ ۇرپاقتارى قازىر بۇركىت ۇستاۋعا كەلەدى عوي دەپ ويلامايمىن. وسى بۇركىتشىلىكتى قازاقستاندا قالدىرۋدىڭ بىردەن- ءبىر جولى - مىنا قازاقتىڭ سال- سەرىلىك ءداستۇرى.
www.24.kz