گولوۆكينگە قارسى ريەۆانش وتكىزۋگە قورقامىن - الۆارەس شىركەۋدە «شىندىعىن» ايتتى - كەسكىن

استانا. قازاقپارات - مۋلتيپليكاتور مودجاحەد فۋداليات بوكس تاقىرىبىنا ارنالعان كەزەكتى تۋىندىسىن ۇسىندى.

بۇل جولى فۋداليات مەكسيكالىق بوكسشى ساۋل الۆارەستىڭ ريم پاپاسىمەن كەزدەسكەن ءساتىن كورسەتىپ، كەنەتتەن گەننادي گولوۆكين كەلىپ قالسا، قالاي بولاتىنىن ەلەستەتىپ كوردى، دەپ حابارلايدى قازاقپارات ءتىلشىسى.

ۆيدەودا الۆارەس ريم پاپاسى فرانسيسكتىڭ الدىندا تىزە بۇگىپ، باتاسىن الادى. ءبىر كەزدە ويدا جوقتا گەننادي گولوۆكين «Big drama show» دەپ شىعا كەلەدى.

مەكسيكالىق بوكسشى بىردەن پاپانىڭ ارتىنا تىعىلادى. سوسىن شىركەۋگە قاشىپ، ءدىن قىزمەتشىسىمەن سويلەسەتىن كۇركەگە كىرەدى. سول جەردە «تاۋبەگە كەلىپ»، گولوۆكينمەن رەۆانش وتكىزۋگە قورقاتىنىن ايتادى. ءبىراق ارعى جاعىنان تاعى دا گولوۆكين شىعادى.

ايتا كەتەيىك، 16- قىركۇيەكتە ەكى بوكسشى اراسىندا ءبىرىنشى جەكپە-جەك وتكەن بولاتىن. تورەشىلەردىڭ شەشىمىمەن ەكەۋى دە تەڭ ءتۇستى.

الايدا تانىمال بوكسشىلار مەن ساراپشىلار ول شەشىممەن كەلىسپەيدى. سەبەبى ادەلايدا بەرد دەگەن تورەشىنىڭ ەسەبى مۇلدەم ويعا قونىمسىز بولىپ شىقتى.

اۆتور: ارمان اسقاروۆ