ليونەل مەسسي مەن كريشتيانۋ رونالدۋ ارالاسا ما؟
«ەندى، ەكەۋىمىزدىڭ ارامىزدا دوستىق بولا ما، جوق پا، ول جاعىن بىلمەيمىن. ول ءۇشىن ەكى ادام تىعىز ارالاسۋى قاجەت، ءبىر-ءبىرىن تانۋى كەرەك. سوندا عانا دوستىق باستالادى. رونالدۋ ەكەۋىمىزدىڭ ارامىزدا ونداي قارىم-قاتىناس جوق. ءبىز، كوپ جاعدايدا، ماراپاتتاردى تاپسىرۋ سياقتى سالتاناتتى شارالاردا عانا كەزدەسەمىز، ارالاسىپ تۇرامىز. سونداي جەرلەردە ءبارى ويداعىداي بولادى. ال ەندى قالعان ۋاقىتتا جولىمىز تۇيىسپەيدى»، - دەيدى مەسسي.
ايتا كەتەيىك، 2008-جىلدان بەرى مەسسي مەن رونالدۋ كەزەك-كەزەك «التىن دوپتىڭ» يەگەرى اتانىپ كەلەدى. اتالعان ماراپات جىلدىڭ قورىتىندىسى بويىنشا ۇزدىك ويىنشىعا تابىستالادى. 30 جاستاعى ارگەنتينالىقتىڭ ۇلەسىندە بەس «التىن دوپ» بار. ال 32 جاستاعى پورتۋگالدىق فۋتبولشى اتالعان سىيلىقتى ءتورت رەت العان. جاقىندا ليونەل مەسسي «التىن بۋتسانىڭ» يەگەرى اتاندى.