تاشكەنتتە قازاقستان مەن وزبەكستان اراسىندا ۇكىمەتارالىق كەلىسسوزدەر ءوتتى
«مەملەكەت باسشىلارى ن. نازاربايەۆ پەن ش. ميرزيەيەۆتىڭ كەلىسىمدەرىن پراكتيكالىق ىسكە اسىرۋ قازاقستان- وزبەكستان قارىم-قاتىناسىنا ساپالى جاڭا دەڭگەيدى قامتاماسىز ەتەدى»، - دەدى ا. مامين.
كەزدەسۋ بارىسىندا ونەركاسىپ كووپەراتسياسى، اگروونەركاسىپ سالاسى، اسكەري-تەحنيكالىق، اەروعارىش، ترانزيتتىك-كولىك سالاسىنداعى ىنتىماقتاستىقتى ءارى قاراي دامىتۋ ماسەلەلەرى تالقىلاندى. قاشىقتىقتان زوندتاۋ جانە جەرسەرىك بايلانىسى بويىنشا قازاقستاندىق جەرسەرىك توبىنىڭ قىزمەتتەرىن ۇسىنۋ مۇمكىندىگى قارالدى، دەپ حابارلايدى primeminister.kz.
«قازاقستان مەن وزبەكستان اراسىنداعى تاۋار اينالىمى 2017-جىلعى 9-ايدا 0 ءوستى جانە $1,5 ميلليارد قۇرادى. اعىمداعى جىلدىڭ سوڭىنا قاراي تاۋار اينالىمى $2 ميلليارد قۇرايدى»، - دەدى ا. مامين جانە «2020-جىلعا قاراي الەۋەتتى ەسكەرگەندە ءوزارا ساۋدا كولەمىن $5 ميلليارد دەيىن جەتكىزۋ قاجەت» ەكەنىن باسا ايتتى.
تاراپتار وڭىرلىك جانە شەكارا ماڭىنداعى ىنتىماقتاستىقتىڭ قازىرگى الەۋەتىن - ەكىجاقتى ءوزارا ءىس-قيمىلدىڭ ماڭىزدى باعىتىن جاقتاپ سويلەدى.
وسىعان بايلانىستى وزبەكستان پرەمەر-ءمينيسترى ا. اريپوۆ ءوڭىرارالىق ىنتىماقتاستىق فورۋمىن وتكىزۋ يدەياسىن قولدادى، ول «ەكى ەل اراسىنداعى ساۋدا-ەكونوميكالىق بايلانىستاردى ءارى قاراي دامىتۋعا نەگىز» بولادى.
سۇحباتتاسۋشىلار قازاقستان مەن وزبەكستان اراسىندا ديپلوماتيالىق قاتىناستار ورناعان كۇننەن باستاپ 25 جىلدىقتى مەرەكەلەۋ بويىنشا ءىس-شارالار اياسىندا ءوتىپ جاتقان كەزدەسۋدىڭ نىشاندىلىعىن رازىلىقپەن اتاپ ءوتتى.
2018-جىلى قازاقستاندا وزبەكستان جىلىن وتكىزۋ جوسپارلانعان، ول ەكى ەلدىڭ تاريحي مۇراسى مەن مادەني بىرلىگىنىڭ باۋىرلاس سيپاتىن كورسەتەدى.
تاشكەنتكە ساپار بارىسىندا قازاقستان مەن وزبەكستان اراسىنداعى ەكىجاقتى ىنتىماقتاستىق بويىنشا ۇكىمەتارالىق كوميسسيانىڭ تەڭ ءتوراعالارى - ق ر پرەمەر-ءمينيسترىنىڭ ءبىرىنشى ورىنباسارى ا. مامين مەن ءو ر پرەمەر-ءمينيسترىنىڭ ءبىرىنشى ورىنباسارى ا. راماتوۆتىڭ جۇمىس كەزدەسۋى ءوتتى.
ساۋدا-ەكونوميكالىق بايلانىستاردى دامىتۋعا، ءوزارا ساۋدا كولەمدەرىن ۇلعايتۋعا، تاۋارلار تىزىمدەمەسىن كەڭەيتۋگە ەكىجاقتى ىنتىماقتاستىق جونىنىدەگى قازاقستان-وزبەكستان ۇكىمەتارالىق كوميسسياسىنىڭ قىزمەتى سەپتىگىن تيگىزدى.
كەزدەسۋ بارىسىندا ساۋدا-ەكونوميكالىق ىنتىماقتاستىقتى ودان ءارى دامىتۋدىڭ وزەكتى ماسەلەلەرى تالقىلاندى، 16-ۇكىمەتارالىق كوميسسيا وتىرىسىندا قول جەتكىزىلگەن كەلىسىمدەردى ىسكە اسىرۋدىڭ تابىستىلىعى اتاپ ءوتىلدى.
ازىق-تۇلىك ونىمدەرى، حيميا جانە مۇناي حيمياسى سالالارىندا ساۋدا ۇيلەرى قۇرىلدى. ماشينا جاساۋ جانە فارماتسيەۆتيكالىق سالالاردا ساۋدا ۇيلەرىن قۇرۋ بويىنشا جۇمىس جۇرگىزىلۋدە.
«بارىنشا مۇمكىن ماسەلەلەر سپەكترى بويىنشا ءوزارا ءتيىمدى جانە تابىستى ىنتىماقتاستىقتى كوزدەۋ قازاقستان- وزبەكستان قارىم- قاتىناستارىنا ساپالى جاڭا مازمۇندى قامتاماسىز ەتەدى»، - دەدى ق ر پرەمەر-ءمينيسترىنىڭ ءبىرىنشى ورىنباسارى.
جۇمىس كەزدەسۋىنىڭ قورىتىندىسى بويىنشا ا. مامين مەن ا. راماتوۆ سايكەس حاتتاماعا قول قويدى.