كاسىپقوي بوكس: نۇرسۇلتانوۆ سالماق ولشەۋ راسىمىنەن ءساتتى ءوتتى

استانا. قازاقپارات   - بۇگىن   نيۋ-يوركتە  قازاقستاندىق كاسىپقوي بوكسشى مەيىرىم نۇرسۇلتانوۆ سالماق ولشەۋ راسىمىنەن ءساتتى ءوتىپ، قارسىلاسىمەن كوز ءتۇيىستىردى ،  دەپ حابارلايدى قازاقپارات ءتىلشىسى.

وتانداسىمىزدىڭ قارسىلاسى  امەريكاندىق ەريك مۋن. ول قازىرگە دەيىن جەتى كەزدەسۋ وتكىزىپ، بارلىعىندا جەڭىسكە جەتكەن. ونىڭ التاۋىن مەرزىمىنەن بۇرىن اياقتاعان.

ال   نۇرسۇلتانوۆ   وسىعان دەيىن ءتورت كەزدەسۋ وتكىزىپ، بارلىعىندا جەڭىسكە جەتكەن. سونداي-اق ءۇش جەكپە-جەگىن مەرزىمىنەن بۇرىن اياقتاعان. جەكپە-جەك   استانا ۋاقىتىمەن 26- قاراشا كۇنى تاڭعا سايكەس كەلەدى.  

بۇگىنگى سالماق ولشەۋ راسىمىندە وتانداسىمىزدىڭ   تارازىداعى تازا سالماعى   161,6 فۋنت (73,03 كەلى) كورسەتسە ،  امەريكالىق   مۋننىڭ سالماعى - 162,2 فۋنت (73,5 كەلى) كورسەتتى.

ايتا كەتەيىك،  نۇرسۇلتانوۆ جارتىلاي اۋىر سالماقتا WBO بەلبەۋى ءۇشىن وتەتىن سەرگەي كوۆاليەۆ (30-2-1, 26 ك و) پەن ۆياچەسلاۆ شابرانسكيي (19-1, 16 ك و) اراسىندا وتەتىن بوكس كەشىندە ونەر كورسەتەدى.

اۆتور: كۇنسۇلتان وتارباي