وسى جانە ورتاق جوبالار بويىنشا ىنتىماقتاستىقتىڭ وزگە دە ماسەلەلەرى ا ق ش- تا ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ گولليۆۋدتىڭ جەتەكشى كينوكومپانيالارىنىڭ پروديۋسەرلەرىمەن كەزدەسۋىندە تالقىلاندى، دەپ حابارلايدى قازاقپارات قازاقستاندىق ۆەدومستۆونىڭ باسپا ءسوز قىزمەتىنە سىلتەمە جاساپ.
ارىستانبەك مۇحامەدي ۇلىمەن كەزدەسۋگە الەمدىك كينوكومپانيالاردىڭ پروديۋسەرلەرى - م. حيۋ (The Walt Disney Company)، ل. ۋلمان (NBC Universal)، گ. لي (CBS)، ۆ. مەندوزا (Paramount Pictures Corporation)، م. ۆالبرەحت (Warner Bros.)، د. روي (HBO) جينالدى.
قازاقستان تاراپىنان سونداي-اق، قازاقستاننىڭ ا ق ش- تاعى ەلشىسى ەرجان قازىحانوۆ جانە كينەماتوگرافيالىق ونەر مەن عىلىم اكادەمياسىنىڭ پرەزيدەنتى ايمان مۇساقوجايەۆا قاتىستى.
بۇل قازاقستاننىڭ مادەنيەت سالاسىنداعى ۋاكىلەتتى ورگان باسشىلىعىنىڭ الەمنىڭ وزىق كينوكومپانيالارىمەن العاشقى كەزدەسۋى.
«بۇگىنگى تاڭدا كينو تەك ونەر ءتۇرى عانا ەمەس، سونىمەن قاتار ەكونوميكا سالاسىنىڭ انىقتاۋىشى. ماسەلەن، «اۆاتار» فيلمى جارىققا شىققاندا، تۇسىرىلىمدەر جۇرگەن جاڭا زەلاندياعا الەمنىڭ تۇكپىر- تۇكپىرىنەن تۋريستەر اعىلا باستادى. كەيبىر مەملەكەتتەر كينوقىزمەت كورسەتۋدى تابىس كوزىنە اينالدىرعان. ولار ۆەنگريا، بولگاريا، كانادا سىندى مەملەكەتتەر»، - دەدى مينيستر ارىستانبەك مۇحامەدي ۇلى.
مۇحامەدي ۇلىنىڭ پىكىرىنشە، الەمدىك دەڭگەيدەگى كينوكومپانيالاردىڭ وكىلدەرىن قازاقستاندىق تاراپتىڭ ۇسىنىستارى قىزىقتىرىپ وتىر. وسى ورايدا ناقتى قادامدارعا دا قول جەتكىزىلدى. باستى فاكتورلاردىڭ ءبىرى - قازاقستانداعى كينويندۋستريا دامۋىنىڭ بارلىق قىر-سىرلارىن قامتيتىن «كينو تۋرالى زاڭنىڭ» قابىلدانۋى بولماق.
«ماڭىزدى اسپەكتىلەردىڭ ءبىرى - قازاقستاننىڭ ساياسي تۇراقتىلىعى مەن ەلىمىزدەگى ۇلتارالىق كەلىسىم بولىپ تابىلادى. بۇل كومپانيالار ءوز ينتەللەكتۋالدىق جانە قارجىلىق مۇمكىدىكتەرىن تەك ساياسي تۇراقتى ەلدەرگە سالاتىندارى بەلگىلى. بۇل ورايدا قازاقستان ولار ءۇشىن وتە قولايلى»، - دەدى مادەنيەت جانە سپورت ءمينيسترى.
ەستەرىڭىزگە سالا كەتەيىك، قازاقستان رەسپۋبليكاسى مادەنيەت جانە سپورت مينيسترلىگى الەمنىڭ جەتەكشى كينوكومپانيالارىمەن كينووندىرىس سالاسىندا ىنتىماقتاستىق تۋرالى كەلىسسوزدەر وتكىزگەن بولاتىن.
لوس-انجەلەسكە جاسالعان ءىسساپار جانە «رۋحاني جاڭعىرۋ» باعدارلاماسىن تانىستىرۋ اياسىندا مينيسترلىك قازاقستان رەسپۋبليكاسىنىڭ ا ق ش- تاعى ەلشىلىگىمەن بىرلەسە «Spirit of Great Stepp» شاراسىن وتكىزدى. قازاقستاندىق بىرنەشە ءفيلمنىڭ كورسەتىلىمى ءوتتى. سونداي-اق قر حالىق ءارتىسى ايمان مۇساقوجايەۆا، ديماش قۇدايبەرگەن جانە وزگە دە ونەر جۇلدىزدارىنىڭ قاتىسۋىمەن كونسەرت بەرىلدى.