مىسالى، كەيبىر اراب حالىقتارىندا جۇما كۇنگى ساسكە ۋاقىتى مەن جۇمانىڭ ەكىنتى ۋاقىتىندا كىر جۋعان ۇيدەن بەرەكە قاشىپ، ىرزىق- نەسىبەسى تارىلادى دەپ سەنەتىندەر بار ۇقسايدى، دەپ جازادى islam.kz.
سول سياقتى، ءبىزدىڭ ەلدە دە كىر جۋۋدى جامان ىرىم رەتىندە ەسەپتەيتىندەر بار. الايدا، مۇنداي نانىمدار - ەشقانداي نەگىزى جوق، ويدان شىعارىلعان ىرىمدار بولىپ سانالادى. كەرىسىنشە پايعامبارىمىز (س. ا. ۋ. ) جۇما كۇنى جۋىنىپ- شايىنۋدى ونىمەن قوسا، ۇستىدەگى كيىمىن جۋىپ- تازالاۋدى كەڭەس ەتكەن. ساحابا ءاۋس يبن اۋستەن جەتكەن ءبىر حاديستە اللا ەلشىسى بىلاي دەيدى:
«كىمدە- كىم جۇما كۇنى جۋىنىپ جانە (كيىمىن تازالاپ) جۋىپ، جۇماعا ەرتەرەك شىقسا، (ۋاعىزدىڭ نە قۇتبانىڭ) باسىنا ۇلگەرىپ، جاقىن وتىرىپ، قۇلاق سالىپ تىڭداسا، ونىڭ ءار باسقان قادامىنا ءبىر جىلدىق ورازانىڭ جانە ءبىر جىلدىق ءتاھاججۋد نامازىنىڭ ساۋابى بەرىلەدى» .