قازاقتان شىققان تۇڭعىش ديپلومات تورەقۇلوۆ تۋرالى فيلمىنىڭ تۇساۋى كەسىلدى - كەسكىن
ونىڭ بارىسىندا پۋبليتسيست ءارى قازاقتان شىققان تۇڭعىش ديپلومات جايىندا تۇسىرىلگەن «ءنازىردىڭ جارىق جۇلدىزى» اتتى دەرەكتى فيلمنىڭ تۇساۋى كەسىلدى، دەپ حابارلايدى قازاقپارات ءتىلشىسى.
شىمكەنتتەگى ءازىل-سىقاق تەاترىندا وتكەن «ۇلتىن سۇيگەن ۇلى تۇلعا» اتتى شارانى وبلىستىق ساياسي قۋعىن- سۇرگىن قۇرباندارىنىڭ مۋزەيى ۇيىمداستىردى. باسقوسۋعا وبلىستىق، قالالىق جانە اۋداندىق مادەنيەت مەكەمەلەرىنىڭ، جوعارى وقۋ ورىندارىنىڭ، جاستار ءىسى بولىمدەرىنىڭ باسشىلارى، كىتاپحانا مەڭگەرۋشىلەرى مەن ستۋدەنتتەر قاتىستى.
تاعلىمى مول شارادا قاجىرلى قايراتكەرلىگى ۇرپاققا ونەگە بولعان ءنازىر تورەقۇل ۇلىنىڭ ەرەن ەڭبەگى ءسوز بولدى. سونداي- اق قوعام قايراتكەرىنىڭ عيبراتتى عۇمىرىنداعى اتقارعان وراسان زور ەڭبەگىن كوپشىلىككە ناسيحاتتاۋ مەن ونى وسكەلەڭ ۇرپاققا تەرەڭىرەك تانىتۋ، تاريح تۇلعاسىن دارىپتەۋ جايى ايتىلدى.
جيىن بارىسىندا «ءنازىر تانۋ نەگىزدەرى» مەن «ءنازىر تورەقۇلوۆ: قوعامدىق- ساياسي قىزمەتى»، سونداي-اق «ن. تورەقۇلوۆ: ارحيۆتىك قۇجاتتار مەن ماتەريالدار جيناعى» جانە «ن. تورەقۇلوۆتىڭ وزبەك تىلىندەگى شىعارمالارى مەن ماتەريالدار جيناعى» اتتى كىتاپتاردىڭ تۇساۋكەسەرى ءوتتى. اتالعان كىتاپتار قوسىمشا وقۋ قۇرالى رەتىندە تاريحشىلار مەن قوعامتانۋشى عالىمدارعا جانە جوعارى وقۋ ورىندارىنىڭ ستۋدەنتتەرى مەن كوپشىلىك وقىرمان قاۋىمعا ارنالىپ شىعارىلعان. اتالعان قۇندى دۇنيەلەر قالا- اۋدانداردىڭ ورتالىق جانە جوعارى وقۋ ورىندارىنىڭ كىتاپحانالارىنا سىيعا تارتىلدى.
شارا اياسىندا «ءنازىردىڭ جارىق جۇلدىزى» دەرەكتى فيلمى كورسەتىلدى. فيلمدى تۇسىرگەن وقو ساياسي قۋعىن-سۇرگىن قۇرباندارى مۋزەيى. پروديۋسەرى - تاريحشى، و ق و ساياسي قۋعىن- سۇرگىن قۇرباندارى مۋزەيىنىڭ ديرەكتورى باتىرعازى سەرعازييەۆ، رەجيسسەرى - الاشتانۋشى تىلەگەن احمەت، سەناريىن جازعان - ق ر مادەنيەت قايراتكەرى، و ق و ساياسي قۋعىن-سۇرگىن قۇرباندارى مۋزەيىنىڭ ديرەكتور ورىنباسارى گۇلميرا سەرىكبايەۆا، فيلمنىڭ كونسۋلتانتى - م. اۋەزوۆ اتىنداعى و ق م ۋ دوسەنتى، ت. ع. ك. گاۋحاربەك تىلەۋقۇلوۆ.