كولدىڭ جاز مەزگىلىندەگى كورىنىسى وتە كەرەمەت. ادامنىڭ كوڭىلىنە ەرەكشە اسەر بەرەدى. ەگەر كۇندەلىكتى كۇيبەلەڭنەن قاجىساڭىز، ءبىر ۋاقىت تابيعات اياسىندا تىنىستاڭىز. قازاقستاننىڭ قاي ولكەسى بولسىن، وزىندىك تابيعي قۇندىلىقتارىمەن، تاريحي جادىگەرلەرىمەن تاڭعالدىرادى. اتىراۋ مەن التايدىڭ، ارقا مەن الاتاۋدىڭ اراسى تىلسىم دۇنيەلەرگە تولى. بىزدە كورەمىن، بىلەمىن دەگەن ادام تابىلسا، كورسەتۋگە تۇرارلىق دۇنيە ءارقاشان تابىلادى. ءار قازاقستاندىق اڭگىمە تارقاتار وتىرىس، جيىندا شۇيىركەلەسە قالسا، ءوز ءوڭىرىنىڭ بەلگىلى ايماقتارىمەن ماقتانادى. «ءبىزدىڭ جاقتا اناداي بار، ءبىزدىڭ جاقتا مىناداي بار» دەگەن پىكىرلەر اڭگىمە ايتۋشىنىڭ ماقتانىشىن تۋعىزسا، تىڭداۋشىنىڭ قىزىعۋشىلىعىن ارتتىرادى. الماتى قالاسىنىڭ تۇرعىندارى مەن قوناقتارىن قۇشاق جايا قارسى الاتىن ۇ ا ك وسىدان 2000 جىل بۇرىن پايدا بولعان. ىلە الاتاۋىندا ءجيى بولاتىن كەزەكتى جەر سىلكىنىسى كەزىندە تاۋ شاتقالدارىنىڭ ءبىر بولىگى قۇلاپ، اعىپ جاتقان وزەندەردىڭ اعىسىن بوگەپ تاستاعان. وسىلايشا وزەرنوە شاتقالىندا سۋ مولايىپ، تەرەڭدىگى 45 مەترگە جەتكەن كول پايدا بولدى. ۇلكەن الماتى دەپ اتالۋ سەبەبى كولدىڭ ۇلكەندىگىنەن ەمەس، شاتقالدىڭ ۇلكەندىگىنە بايلانىستى قويىلعان. بۇعان دەيىن جوسالىكول دەپ اتالعان.
ⅩⅩعاسىردىڭ 30-جىلدارى ەسكەكتى قايىقپەن جۇزۋگە ارنالعان كەرەمەت دەمالىس ورىنى بولعان ايماققا الماتىلىقتار جاياۋ قاتىنايتىن. كولىكپەن كوتەرىلۋگە جول ساپاسى، تاۋدا جۇرۋگە شىداس بەرمەيتىن كولىك ساپاسى ناشار بولعاندىقتان، قالا تۇرعىندارى جەكسەنبى سايىن كەرەمەت تابيعات اياسىندا سەرۋەندەپ، دەمالۋدان ەرىنبەيتىن. الماتى قالاسىن سۋمەن قامتاماسىز ەتۋدە ماڭىزدى ءرول اتقاراتىن بۇل كول اۆتوماتتى سۋرەتتەگىش ارقىلى قالىپقا كەلەدى. كەڭەستىك داۋىردە سۋاعارى جوندەۋ كورىپ، اينالاسى پليتالارمەن قاپتالعان. كولدىڭ سۋى قازان- قاراشا ايىندا قاتا باستايدى. الماتى ماڭايىنداعى دىمقىل اۋانىڭ سالدارىنان قاتقان مۇز كوكتەمدە قيىندىقپەن ەريدى. 2020 -جىلعا دەيىن تۋريستىك سالانى دامىتۋ ماسەلەسى العا قويىلعالى بەرى ۇ ا ك- نە اعىلىپ جاتقان الماتى قوناقتارىنىڭ سانى جىل وتكەن سايىن كوبەيىپ كەلەدى.
Massaget.kz