زەينەتاقى جيناعىن نەگە مەرزىمىنەن ەرتە الۋعا بولمايدى
ونىڭ ايتۋىنشا، بۇل ماسەلە قوعامدا ەكىۇداي پىكىر تۋعىزىپ وتىر. «الەمدە كەيبىر ەلدەردە ونداي تاجىريبە بار. ءبىراق، ول ەلدەردە جيناق كولەمى جوعارى. ماسەلەن، سينگاپۋردا زەينەتاقى سالىمى جالاقىنىڭ% 40 ىن قۇرايدى. ەگەر، قازاقستاندا دا سونداي جاعداي بولسا، وندا اقشانى الۋدىڭ ءجونى بار» ، - دەدى ءنۇربۇبى ناۋرىزبايەۆا.
ب ج ز ق باسقارما ءتورايىمىنىڭ ايتۋىنشا، قازاقستاندىقتاردىڭ ورتاشا سالىمى 1 ميلليون تەڭگە كولەمىندە. «بۇل قارجى ءبارىن قامتۋعا جەتپەيدى. قازىر ازاماتتاردىڭ ورتاشا ءومىر ءسۇرۋ ۇزاقتىعى ەرلەردە 72 جاس، ايەلدەردە - 76 جاس. كەي ايماقتاردا ودان دا كوپ ءومىر سۇرەدى. ەلەستەتىپ كورىڭىز، 1 ميلليون تەڭگە زەينەتكەردىڭ قانشا جاسىنا دەيىن جەتەدى؟ سونداي- اق، 39 جاسقا تولماعان ازاماتتار شوعىرلاندىرىلعان زەينەتاقىنى المايدى. ولارعا تەك بازالىق زەينەتاقى مەن وزدەرىنىڭ جيناعان سوماسى بەرىلەدى. وسىنى ەسكەرە وتىرىپ، زەينەتاقى سالىمىن زەينەتكەرلىككە شىقپاي تۇرىپ باسقا ماقساتتا الۋ تۋرالى ايتۋدىڭ ءوزى دۇرىس ەمەس دەپ سانايمىن» ، - دەدى ءنۇربۇبى ناۋرىزبايەۆا.
باسقاشا ايتقاندا، ب ج ز ق سالىمشىلارىنىڭ الاڭسىز قارتايۋىنا جاعداي جاساپ، قارتايعان كەزدە قارجىلىق قيىندىق كورمەۋىنە الاڭداۋشىلىق ءبىلدىرىپ وتىر. «ءيا، بۇل ماسەلە تالقىلانىپ جاتىر. ءبىراق ب ج ز ق بۇل سۇراققا بايلانىستى ازىرگە قانداي دا ءبىر بولماسىن ۇسىنىس ەنگىزۋدەن باس تارتىپ وتىر» ، - دەدى ول.
ايتا كەتۋ كەرەك، جاڭا جىلدان باستاپ زەينەت جاسىنا جەتكەن ازاماتتار وزدەرىنىڭ جيناعىن بىردەن شەشىپ الا المايدى. ق ر زەينەتاقىمەن قامتاماسىز ەتۋ تۋرالى زاڭناماسىنا ەنگىزىلگەن وزگەرتۋلەرگە سايكەس، 2018 -جىلدىڭ 1 - قاڭتارىنان باستاپ زەينەت جاسىنا جەتكەن قازاقستاندىقتار اقشاسىن بۇرىنعىداي بىردەن ەمەس، اي سايىن الاتىن بولادى.
اۆتور: گۇلميرا عوسمانالي