ەردوعان: استانالىق كەلىسسوزدەر بۇكىل وڭىرگە وڭ ىقپالىن تيگىزدى
10:44, 23 - قاراشا 2017
استانا. قازاقپارات - تۇركيا پرەزيدەنتى ەلوردامىزداعى كەزدەسۋلەردىڭ «ەلەۋلى ناتيجەسىن» اتاپ ءوتتى.
تۇركيا پرەزيدەنتى رەجەپ تايىپ ەردوعان سوچيدە وتكەن سيرياداعى قاقتىعىستى رەتتەۋ ماسەلەسى بويىنشا كەلىسسوزدەر اياسىندا استانالىق كەلىسسوزدەردىڭ بۇكىل وڭىرگە پايداسىن تيگىزگەنىن مالىمدەدى، - دەپ جازادى ريا نوۆوستي.
«استانالىق كەزدەسۋلەر بۇكىل وڭىرگە وڭ ىقپال ەتتى، اللاعا شۇكىر! ەلەۋلى ناتيجەگە قول جەتكىزدىك»، - دەرى ەردوعان رەسەي جانە يرانداعى ارىپتەستەرىمەن كەزدەسۋدە.
ەستەرىڭىزگە سالا كەتسەك، ەلوردامىزدا سيرياارالىق داعدارىستى رەتتەۋ بويىنشا جەتى رەت كەزدەسۋ وتكەن بولاتىن.
سولاردىڭ بىرىندە سيرياداعى قارۋلى قاقتىعىستى توقتاتۋ رەجيمىن باقىلاۋ بويىنشا بىرلەسكەن جەدەل توپ تۋرالى قاۋلى قابىلدانعان ەدى ءارى كەپىل ەلدەر سيريادا دەەسكالاتسيا ايماقتارىن قۇرۋ تۋرالى مەموراندۋمعا قول قويدى.