اتامبايەۆ: نازاربايەۆ مەنى ەشقاشان كەشىرمەيتىنىن ءبىلدىم
قىرعىزستان پرەزيدەنتى المازبەك اتامبايەۆ كوزگە تۇسكەن ازاماتتارعا مەملەكەتتىك ماراپاتتاردى تابىستاۋ راسىمىندە ءوزىنىڭ ءىس-ارەكەتتەرى تۋرالى ايتتى.
«كوبىسى اتامبايەۆ» تاعى ارتىق سويلەدى» دەپ ايتىپ جاتادى، ءبىراق مەن قىزبالىققا سالىنسام دا، ءبارىن ويلانىپ بارىپ ايتامىن. كەيبىر مالىمدەمەلەردى جاساعان كەزدە، وزىمە وتە مىقتى دۇشپانداردى جيناپ جاتقانىمدى ءبىلدىم.
ا ق ش بازاسىن شىعارعان كەزىمدە بۇعان ەشكىم، ءتىپتى امەريكالىقتار دا سەنبەگەن ەدى. بازانى وزىمىزدە ورنالاستىرىپ، اق ۇيگە «تىزگىندى» بەرىپ قويۋ ارقىلى ءبىز ەكى ۇلى دەرجاۆا - رەسەي مەن قىتايدى قاتتى رەنجىتتىك»، - دەيدى اتامبايەۆ.
ول ا ق ش-تىڭ كومەگىنەن گورى كورشى ەلدەرمەن دوستىق قارىم-قاتىناستى ساقتاۋ اناعۇرلىم ماڭىزدى ەكەنىن اتاپ ءوتتى.
«كەيدە ماعان، كەرىسىنشە، قارىم-قاتىناستى بۇزۋعا (كورشى ەلدەرمەن) تۋرا كەلدى. كاريموۆتىڭ نە بولماسا نازاربايەۆتىڭ مەنى ەشقاشان كەشىرمەيتىنىن ءبىلدىم، مەن بۇعان قۋاندى دەپ ويلاماڭىزدار... ەگەر مەن ب ۇ ۇ-دا جانە كەيىنىرەك ۇندەمەي قالعانىمدا، بالكىم، قازىر ەلدى «شەستەركا» باسقارار ەدى»، - دەدى پرەزيدەنت.
ول دوستارى مەن تۋىستارىن جوعارى قىزمەتكە ورنالاستىرماعاندىقتان، قازىر ولار قاسىندا ەكەنىن ايتتى.