سيريا ازاماتى قازاقستانعا جالعان قۇجاتپەن كەلگەن

استانا. قازاقپارات - استانادا ەل اۋماعىنا جالعان قۇجاتتارمەن كەلگەن سيريا ازاماتىنا سوت ۇكىمى شىقتى، دەپ حابارلايدى قازاقپارات.

استانا قالالىق سوتىنىڭ مالىمەتىنشە، سيريا ازاماتى 2017 -جىلدىڭ 17 -تامىزىندا قازاقستان رەسپۋبليكاسىنىڭ مەملەكەتتىك شەكاراسىن جالعان تولقۇجاتپەن كەسىپ وتكەن.

ول اۋە بيلەتتەرىن ساتىپ الۋ كەزىندە بولگاريا رەسپۋبليكاسى ازاماتىنىڭ جالعان قۇجاتىن ۇسىنعان. وسىلايشا زاڭسىز قۇجاتتى قازاقستان رەسپۋبليكاسىنىڭ اۋماعىندا پايدالانعان.

«استانا قالاسى ەسىل اۋدانىنىڭ №2 -سوتىنىڭ ۇكىمىمەن سوتتالۋشى ق ر ق ك- نىڭ 392-بابى 1-بولىگىمەن جانە 385-بابى 3-بولىگىمەن كىنالى دەپ تانىلىپ، وعان 500 ا ە ك كولەمىندە، ياعني 1134500 تەڭگە سوماسىندا ايىپپۇل سالىندى. سونداي-اق ول قازاقستان رەسپۋبليكاسىنىڭ اۋماعىنان 5 جىلعا شەتتەتىلەدى.

ۇكىم زاڭدى كۇشىنە ەنگەن جوق.