قازاق كينوسى لوس-اندجەلەستە كورسەتىلدى
سابان تەاترىندا «Spirit of the Great Stepp» - «ۇلى دالا رۋحى» اتتى ۇلى مادەني ءىس- شارانىڭ رەسمي بولىگى ءوتتى، دەپ حابارلايدى قازاقپارات ق ر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
بۇل ءىس-شارانى قازاقستان رەسپۋبليكاسىنىڭ مادەنيەت جانە سپورت مينيسترلىگى ا ق ش- تىڭ قازاقستانداعى ەلشىلىگىنىڭ قولداۋىمەن «رۋحاني جاڭعىرۋ» باعدارلاماسى اياسىندا ۇيىمداستىردى.
امەريكالىق اۋديتورياعا «قىز جىبەك»، «الماس قىلىش»، «اناعا اپارار جول» جانە «وسكار» سىيلىعىنا ۇسىنىلعان، ق ر تۇڭعىش پرەزيدەنتى ن. ءا. نازاربايەۆتىڭ بالالىق شاعى تۋرالى باياندالعان «بالالىق شاعىمنىڭ اسپانى» فيلمى ۇسىنىلدى.
قازاقستان دەلەگاتسياسىن مادەنيەت جانە سپورت ءمينيسترى ارىستانبەك مۇحامەدي ۇلى باسقاردى.
اشىلۋ سالتاناتىندا ۆەدومستۆو باسشىسى ا ق ش- تاعى ق ر مادەنيەت جانە كينو كۇندەرىن وتكىزۋ امەريكالىقتاردىڭ قازاق مادەنيەتىنە دەگەن قىزىعۋشىلىعىن تۋدىرىپ، قازاق-امەريكالىق مادەني بايلانىستاردىڭ دامۋىنداعى جاڭا كەزەڭگە اينالاتىنىن اتاپ ءوتتى.
«بۇل ءىس-شارا ەكى ەل اراسىنداعى مادەني قارىم-قاتىناس تاريحىندا قالاتىنى ءسوزسىز! «Spirit of the Great Stepp» - «ۇلى دالا رۋحى» اتتى شارامىزدىڭ كوزدەگەن ماقساتى - امەريكالىق كورەرمەندەردى قازاقستاننىڭ باي ۇلتتىق - مادەني مۇراسىمەن تانىستىرۋ بولىپ تابىلادى»، - دەپ اتاپ ءوتتى ارىستانبەك مۇحامەدي ۇلى.
اتالعان شاراعا قازاقستاننىڭ ا ق ش- تاعى ەلشىسى - ەرجان قازىحانوۆ، بەلگىلى مادەنيەت جانە قوعام قايراتكەرلەرى، ك س ر و جانە قازاقستان حالىق ءارتىسى ءاسانالى ءاشىموۆ، ق ر حالىق ءارتىسى قۇمان تاستانبەكوۆ، ق ر ەڭبەك سىڭىرگەن قايراتكەرى مەرۋەرت وتەكەشوۆا، ق ر حالىق ءارتىسى ايمان مۇساحودجايەۆا، رەجيسسەر رۇستەم ءابدىراشوۆ، اكتريسا التىناي نوگەربەك، مادينا ەسمانوۆا جانە ش. ايمانوۆ اتىنداعى «قازاق فيلم» كينوستۋدياسىنىڭ وكىلدەرى قاتىستى.
ءاسانالى ءاشىموۆ ەكى ەلدىڭ مادەني قارىم-قاتىناستارىنا ارنالعان ءىس-شارانىڭ ماڭىزدىلىعىن اتاپ ءوتتى.
«ءبىز ۇزاق جول ارقىلى لوس-اندجەلەسكە ۇشىپ كەلدىك. ءبىزدىڭ «قىز جىبەك» تۋىندىمىز وتە جىلى قابىلدانىپ وتىر. فيلم كورەرمەندەر اراسىندا ۇلكەن قىزىعۋشىلىق تۋدىرعانىنا قۋانىشتىمىن»، - دەدى ك س ر و مەن قازاقستاننىڭ حالىق ءارتىسى.
شەتەلدىك كينورەجيسسەرلەر قازاقستاندىق كينەماتوگرافتىڭ دامۋىنا جوعارى باعا بەرە وتىرىپ، وتاندىق كينوفيلمدەرگە قاتىستى پىكىرلەرىن ءبىلدىردى. «قىزىل كىلەمىندە» دجون مالكوۆيچ پەن «گلادياتور» فيلمىنىڭ اۆتورى دەۆيد فرانزوني ءجۇرىپ ءوتتى.
وسكار سىيلىعىنىڭ يەگەرى، قازاقستاندا وتكەن ەۋرازيا كينوفەستيۆالىندە قازىلار القاسىنىڭ مۇشەسى بولعانىن اتاپ ءوتتى.
«مەن دە قازاقستاندىق كينومەن تانىسپىن. ەڭ الدىمەن ونداعى اكتەرلەردىڭ تالانت دەڭگەيىنە تاڭىرقادىم. قازاقستاندىق كينو ءارتۇرلى - قاراپايىمنان وتە كۇردەلىگە دەيىن. فيلم نەعۇرلىم قاراپايىم بولسا، سوعۇرلىم جاقسى. سىزدەردىڭ كينولارىڭىز كوممەرتسيالىق ماسەلەدەن الشاقتاۋ، مىنە بىزگە دە وسى جاعىنان سىزدەردەن ۇيرەنەرىمىز كوپ»، - دەدى فرانزوني.
قازاق كينورەجيسسەرلەردىڭ جۇمىسى امەريكالىقتاردى تاڭقالدىرماي قويمادى. زالداعى كورەرمەن كينونىڭ سوڭىنا دەيىن ەرەكشە اسەرمەن وتىردى.
«ماعان «اناعا اپارار جول» فيلمىندەگى اكتەرلەردىڭ ويىندارى ۇنادى. وتە مىقتى اكتەرلىك قۇرام. سيۋجەت وتە قىزىقتى، ول قيىندىقتارعا قاراماستان، ءسىز ءوزىڭىزدى سۇيە الاتىنىڭىزدى كورسەتەدى. بۇدان باسقا، مەن قازاقستان تۋرالى فيلم ارقىلى كوپ نارسە ءبىلدىم»، - دەيدى لوس-اندجەلەس تۇرعىنى برايان ماستروفيني اقان ساتايەۆتىڭ فيلمىن كورگەننەن كەيىن.
فيلمنىڭ كورسەتىلىمىنەن كەيىن ق ر حالىق ءارتىسى ايمان مۇساقوجايەۆانىڭ، حالىقارالىق كونكۋرستاردىڭ لاۋرەاتى ەدىل قۇسايىنوۆتىڭ، قاز ۇ و ۋ- ءنىڭ ەۋرازيالىق سيمفونيالىق وركەسترىنىڭ جانە ديماش قۇدايبەرگەننىڭ قاتىسۋىمەن ۇلكەن كونسەرت ءوتىپ، امەريكاندىق تىڭدارمانداردىڭ زور ىقىلاسىنا بولەندى.