الەمدەگى ەڭ باي جاس جۇلدىزدار ءتىزىمى

 رەيتينگكە ەنگەن 30 ادامنىڭ 2016-2017 -جىل ارالىعىنداعى كىرىسىن قوسقاندا $1,24 ميللياردتى قۇرادى. سونىمەن، 30 جاسقا دەيىنگى ەڭ باي جۇلدىزدار ءتىزىمىن 27 جاسار ەيبەل تەسفايە ەسىمدى مۋزىكانت باستادى. بۇل سىزگە بەيتانىس ادامداي كورىنۋى مۇمكىن، ءبىراق The Weeknd لاقاپ اتىن ەستىسەڭىز، بىدەن تانيسىز. ول 2016 -جىلدىڭ 1 - ماۋسىمىنان باستاپ 2017 -جىلدىڭ 1 - ماۋسىمى ارالىعىندا $92 ميلليون اقشا تاپقان. تەسفايە ءوزىنىڭ اندەرىن العاشىندا YouTube جەلىسىنە جاسىرىن اتپەن جاريالاعان. بۇل 2010 -جىلدارى بولعان وقيعا. ال، ودان 3  جىل وتكەن سوڭ، Kiss Land اتالاتىن دەبيۋتتىك البومىن ۇسىندى. The Weeknd ​- بىرنەشە مارتە «گرەممي» يەگەرى جانە «وسكار» ماراپاتىنا دا ۇسىنىلعان. كىرىسىنىڭ كوپ بولىگى، ناقتىراق ايتساق، $75 ميلليونعا جۋىق قارجى وعان كونسەرتتەرىنەن تۇسكەن بولىپ شىقتى.

Forbes رەيتينگىنىڭ ەكىنشى ساتىسىن 23 جاسار كانادالىق ورىنداۋشى دجاستين بيبەر يەلەندى. باسىلىم ۇجىمى بەلگىلەگەن ۋاقىت ارالىعىندا دجاستين $83,5 ميلليون كىرىسكە قول جەتكىزگەن. وسى ءبىر جىلدىڭ ىشىندە ول 105 كونسەرت وتكىزگەن جانە Calvin Klein كومپانياسىمەن كەلىسىمشارتقا وتىرعان. العاشقى ۇشتىكتى $69 ميلليون كىرىسىمەن ءانشى ادەل اياقتايدى. بريتانيالىق ونەرپاز سوڭعى «گرەممي» سالتاناتىندا ناعىزتريۋمفاتور بولدى. مۋزىكا سالاسى بويىنشا الەمدەگى ەڭ بەدەلدى ماراپاتتى 5 مارتە العان ءانشى فۋررور جاسادى. ال، ادەلدىڭ «25» اتالاتىن البومى 2016 -جىلى 1,73 ميلليون تيراجبەن ساتىلىپ، ەڭ ۇزدىك كورسەتكىشكە قول جەتكىزدى.

بۇل تىزىمگە باسكەتبولشى كيەۆين ديۋرانت ($60,6 ميلليون) ، گولفشى روري ماكيلروي ($50 ميلليون) ، ءانشى تەيلور سۆيفت ($44 ميلليون) ، مودەل كايلي دجەننەر ($41 ميلليون) ، فۋتبولشى نەيمار ($37 ميلليون) مەن ءانشى رياننا ($36 ميلليون) سىندى تانىمال جۇلدىزدار جانە تاعى باسقالارى ەندى.

Massaget.kz