تۇركىستاندا «جاستار - رۋحاني جاڭعىرۋدىڭ جارشىسى» اتتى جاستار فورۋمى ءوتتى
ەلباسى تاپسىرمالارىن جۇزەگە اسىرۋدا ماڭىزدى سانالاتىن شارادا جاستاردىڭ بولاشاققا ىقپالى كەڭىنەن ايتىلدى، دەپ حابارلايدى قازاقپارات ءتىلشىسى.
القالى جيىندا ءسوز العاندار جەرگىلىكتى جاستاردىڭ مۇمكىندىكتەرى مەن بەلسەندىلىكتەرىن ەرەكشە اتاپ ءوتتى. بۇل رەتتە قالا باسشىسى الىپبەك وسەربايەۆ مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا كورسەتىلگەن تاپسىرمالارىن جۇزەگە اسىرۋعا جاس تولقىن بەلسەندى تۇردە اتسالىسۋى كەرەكتىگىن تىلگە تيەك ەتتى.
ماقالاعا ساي رۋحاني قۇندىلىقتار مەن وتباسى تاربيەسى، سالت- سانانى جاڭعىرتۋ جاقتارى دا جيىندا كەڭىنەن ءسوز بولدى. جاستار كەرى ءدىني اعىمداردىڭ جەتەگىنە ەرمەي، كەرتارتپا، قاراڭعى ادەتتەرگە ەرمەگەنى دۇرىس، - دەدى الىپبەك وسەربايەۆ.
شاھار باسشىسىنىڭ سوزىنشە، تۇركىستاندا 70 مىڭعا جۋىق جاس بار. ولاردىڭ ىشىندە 14 پەن 29 جاس ارالىعىنداعىلارى قالا تۇرعىندارىنىڭ 30 پايىزىن قۇرايدى.
سونداي-اق فورۋمدا جاستار ۇيىمدارىنىڭ وكىلدەرى مەملەكەت باسشىسى ماقالاسىنىڭ ماڭىزدى باعىتتارىن تالقىلادى. جيىن سوڭىندا ءوز بيىگىن باعىندىرىپ، تالايعا ۇلگى بولعان ءبىرقاتار جاس قالا بيلىگىنىڭ قۇرمەت-قوشەمەتىنە بولەندى.