ماسا شاققان ايەل جازىلماس دەرتكە شالدىقتى
رەبەككا ۋيللەرسكە ديففۋزيالىق جۇيەلىك سكلەرودەرما دياگنوزى قويىلعان. ول تەرى جامىلعىسىنىڭ، قان تامىرلارىنىڭ، تىرەك- قيمىل اپپاراتىنىڭ جانە ىشكى اعزالاردىڭ زاقىمدالۋىمەن بايلانىستىراتىن تىندەردىڭ اۋتويممۋندى اۋرۋى. بۇل دەرتپەن اۋىراتىنداردىڭ 10 پايىزى 5 جىل ىشىندە كوز جۇمادى.
ۋيللەرس 2015 -جىلى سۋماتراعا جولبارىستاردى قورعاۋ جوباسى بويىنشا بارادى. ماماندار ناۋقاستتى سول ساپارىندا ماسا شاققان دەپ وتىر.
ۇلىبريتانياعا كەلگەن سوڭ ايەل بىرنەشە رەت اۋىرادى. اۋرۋى سالدارىنان دەنەسى قاتايىپ كەتەدى.
«ەڭ قورقىنىشتىسى - اۋرۋدىڭ تەز تاراۋى. دارىگەر ءۇش جىلدا دەنە ودان ءارى قاتايۋى مۇمكىن ەكەنىن ايتتى. ءتىپتى ءتىسىمدى جۋا المايمىن. قولىم تاس سەكىلدى» ، - دەيدى ناۋقاس.
ناۋقاس ايەل بار جيعان- تەرگەنىن ەمىنە جۇمساماق.
«جانۋارلار ءۇشىن بار ءومىرىمدى ارناپ ەدىم، ەندى زووباق كەڭسەسىندە تەك قاعازدارمەن جۇمىس ىستەۋىمە تۋرا كەلەدى» ، - دەيدى ول.
Stan.kz