فابريكا ماماندارى پورترەتتى ەكى كۇننىڭ ىشىندە جاساپ شىعارعان. پورترەت تىگىنەن جاسالعان، ونىڭ بيىكتىگى 180 س م جانە ەنى 82 س م. ونى جاساۋ ءۇشىن بىرنەشە مامان جۇمىس ىستەگەن. ولاردىڭ ءبىرى - انار ابدىعاسەنوۆا. بويجەتكەننىڭ ماماندىعى قازاقستان ەڭبەك نارىعىندا سيرەك كەزدەسەدى - ول دەسسيناتور مامانى، ياعني ءتورت ماماندىقتىڭ جيىنتىعىنان قۇرالعان شەبەر. ول - ءارى تەكستيل ديزاينەرى، ماتا سۋرەتشىسى، توقىما قۇرىلعىلارىنىڭ پروگرامميستى جانە ينجەنەر. بۇدان بولەك، بويجەتكەن ديماش قۇدايبەرگەن ءبىلىم الاتىن ۋنيۆەرسيتەتتە وقيدى.
«مەن قازاق ۇلتتىق ونەر ۋنيۆەرسيتەتىنىڭ ستۋدەنتىمىن. «كيىم ديزاينەرى» ماماندىعى بويىنشا ءبىلىم الىپ جاتىرمىن. فابريكاعا تۇركيا، يتاليا ەلدەرىنەن ماماندار كەلىپ، ءتۇرلى شەبەرلىك سىنىپتارىن وتكىزدى. وسىلايشا، جۇمىس ىستەۋدى ۇيرەنىپ كەتتىم» ، - دەدى ول.
توقىما سەحىنىڭ تەحنولوگى مايا ۆەرشينينا اتاپ وتكەندەي، وسىنداي وزگەشە تۋىندىنى جاساپ شىعارۋعا كاسىپورىنداعى تەحنولوگيالىق جاڭعىرتۋ مۇمكىندىك بەرگەن.