«وسىمدىك شارۋاشىلىعىندا سوڭعى 25 جىلدا ءبىزدىڭ سەلەكسيونەرلەر ايتارلىقتاي جەمىستى ەڭبەككە قول جەتكىزدى. تاۋەلسىزدىك العان جىلدارى ءبىزدىڭ ەلىمىزدە وتاندىق سورتتار بولماعان ەدى. بۇگىنگە دەيىن ءبىز بارلىق وڭىرلەرىمىزدى وتاندىق سورتتارمەن قامتاماسىز ەتۋ مۇمكىندىگىنە يە بولىپ وتىرمىز. سوڭعى 7 جىلدا ءبىز گەنەتيكالىق- بيوتەحنولوگيالىق دەڭگەيدە ساپالى سورتتاردىڭ لەگىن انىقتادىق»، - دەيدى اسقار نامەتوۆ.
باسپاءسوز ءماسليحاتى بارىسىندا «ۇ ا ع ب ب و» باسقارما ءتوراعاسى قازاقستاندىق سەلەكسيونەرلەردىڭ جەتىستىكتەرى تۋرالى ناقتى مىسالداردى كەلتىردى.
«بۇگىنگى كۇنى كوپتەگەن وسىمدىك شارۋاشىلىعىنىڭ بىرنەشە سالاسى ءارتۇرلى بيولوگيالىق اۋرۋلاردىڭ كەسەلىنەن ونىمدىلىگى تومەن بولىپ جاتاتىنىن قۇپيا ەمەس. ءبىزدىڭ سەلەكسيونەرلەر بيدايدىڭ قاراكۇيەسىنەن قورعالعان ساپالى سورتىن ويلاستىرىپ شىعاردى. المانىڭ بىرنەشە ءتۇرى بويىنشا دا وسىنداي جەتىستىكتەرىمىز بار. سونىمەن بىرگە، باكتەريالىق كۇيىكتەن قورعالعان المانىڭ سورتتارى شىعارىلدى»، - دەيدى اسقار نامەتوۆ.
ونىڭ ايتۋىنشا، الەمدەگى استىق القابىنىڭ 4 ميلليون گەكتارىنان قازاقستاندىق بيداي سورتى ورىلادى.
اۆتور: ايان بەكەن ۇلى