مامان ريچارد ينمەن مەن ونىڭ ارىپتەستەرى 74 مەملەكەتتە الەۋمەتتىك ساۋالناما جۇرگىزگەن. بريتانيالىق جانە پورتۋگاليالىق پسيحولوگتاردىڭ ايتۋىنشا، تۇلعا ەركىندىگى جوعارى باعالانعان مەملەكەتتەردىڭ تۇرعىندارى ىشىمدىكقۇمار بولىپ كەلەدى. ال ءتارتىپ پەن يەرارحيالىق جۇيەنى قولدايتىن مەملەكەتتەر ىشىمدىكتى از تۇتىنادى.
«زەرتتەۋ جۇمىستارىنىڭ ناتيجەسىندە ب ۇ ۇ جەكەشەلەندىرۋ ءتارتىبى قالىپتاسقان مەملەكەتتەردە ماسكۇنەمدىكپەن كۇرەس شارالارىن جۇرگىزگەندەرى دۇرىس دەگەن شەشىمگە كەلدىك. الداعى ۋاقىتتا مادەني قۇندىلىقتاردىڭ ىشىمدىك قۇمارلىققا قالاي اسەر ەتەتىنىن انىقتاۋىمىز كەرەك» ، - دەيدى پورتۋگاليا لۋسيادا ۋنيۆەرسيتەتىنىڭ مامانى ريچارد ينمەن.
مۇنىمەن قاتار، عالىمدار وزگەلەرگە قاراعاندا، رەسەي، فينليانديا جانە ليتۆا سىندى مەملەكەت تۇرعىندارىنىڭ ىشىمدىككە قۇمار ەكەندەرى انىقتالعان. ال ءۇندىستان، يزرايل، يندونەزيا سىندى مەملەكەتتەردىڭ تۇرعىندارى ىشىمدىكتەن تۇبەگەيلى باس تارتقان. ىشىمدىكقۇمارلىققا گەن قۇرىلىسىنىڭ دا اسەرى بولۋى مۇمكىن. ءبىراق، قاي فاكتوردىڭ ءبىرىنشى ورىندا تۇرعانى ازىرگە بەلگىسىز.
Baq.kz