اقان ساتايەۆ فيلمىندە پرەزيدەنتتىڭ جەكە فوتوگرافى ءرولىن كىم سومدايدى؟
تەاتر قىزمەتكەرلەرى قازاقپارات تىلشىسىنە بوريس ۆاسكونىڭ اكتەرلىك جولى 1962-جىلدان باستاۋ العانىن ايتتى.
30 جىلعا جۋىق ۋاقىت بويى ول وبلىستىق ن. پوگودين اتىنداعى ورىس دراما تەاترىندا قىزمەت ەتىپ كەلەدى.
«ساحنانىڭ جەتەكشى شەبەرى. شىعارماشىل، تالانتتى تۇلعا. مىنەزدى اكتەر. ءوز ماماندىعىنىڭ شەبەرى، جينالعان ساحنالىق تاجىريبەسىن ۇتىمدى پايدالانادى، تەاتردىڭ جاس ارتىستەرىمەن شەبەرلىك قۇپيالارىن بولىسەدى»، - دەگەن مىنەزدەمە بەردى بوريس ۆاسكونىڭ ارىپتەستەرى.
اتى اڭىزعا اينالعان فوتوتىلشى يوسيف بۋدنيەۆيچ تۇسىرگەن سۋرەتتەردە ەلىمىزدىڭ تۇتاس تاريحى بەينەلەنگەن.
ول تىڭ جەرلەردەگى اتىزداردى، العاشقى استىق ءونىمىن، كەڭەستىك عارىشكەرلەردىڭ جەرگە قونۋىن، تەمىرتاۋ دومناسىنىڭ العاشقى ىسكە قوسىلۋىن، يادرولىق پوليگاننىڭ جابىلۋىن جانە تاعى باسقا ماڭىزدى شارالاردى العاش تۇسىرگەن فوتوگراف.
1992-جىلى يوسيف بۋدنيەۆيچ ق ر پرەزيدەنتى نۇرسۇلتان نازاربايەۆتىڭ جەكە فوتوسۋرەتشىسى قىزمەتىنە شاقىرتىلدى.