ينديرا راسىلحان اسپاز بولىپ ىستەيتىن جولداسىن كينوعا تۇسىرمەك
10:50, 21 - قاراشا 2017
استانا. قازاقپارات - ادەتتە ينديرا راسىلحاننىڭ جولداسى دا، بالا-شاعاسى دا جۇرت كوزىنە كورىنە بەرمەيدى.
ءتىپتى تىڭدارمان ءانشىنىڭ جولداسى قاي سالادا جۇمىس ىستەيتىنىن دە بىلمەگەن. وسى جولى ءانشى «ايتا بەرسىن» باعدارلاماسىنا ءبىراز سىرىن اشىپ، ءتىپتى جولداسى ەكەۋىنىڭ كينوعا تۇسكەلى جۇرگەنىن ايتقان.
«جولداسىم ەكەۋمىز جاقىندا كينوعا تۇسپەكپىز. قازىر باعىتىن، جوباسىن ويلاستىرىپ جاتىرمىز. جولداسىم جۇرت كوزىنە اسا تۇسە بەرگەندى قالامايدى. جاقىندا «مەن فيلمگە تۇسكىم كەلەدى» دەگەنىن ەستىگەندە ءوزىم شالقامنان ءتۇسىپ قالا جازدادىم. ول كىسى ونەرگە مۇلدە جاقىن ەمەس. ول كىسىنىڭ ماماندىعىن ايتسام بارلىعى تاڭعالادى. اسەكەڭ (جولداسى) نەگىزىندە اسپازشى. استانادا ۇلكەن مەيرامحانادا اسپازشى بولىپ جۇمىس جاسايدى. ۇيدە راحات، بۇگىن مىنانداي نارسە جاسايمىن دەپ جارتى ساعاتتا تاماق جاساپ بەرەدى. سول تاماعىن جەپ الىپ، تويىپ وتىرامىز» - دەيدى ءانشى.
دەرەككوز: Reactor