الاش ۇكىمەتىنىڭ اسكەري قايراتكەرىنە قۇلىپتاس قويىلادى

استانا. قازاقپارات - وسكەمەندە الاش اۆتونومياسىنىڭ اسكەري وقۋ ورنىنا باسشىلىق جاساعان حاميت توقتامىشەۆتىڭ بەيىتىنە قۇلىپتاس قويىلادى، دەپ حابارلايدى Altaynews.

كوكپەكتى اۋدانىندا وسكەمەندە الاش اۆتونومياسىنىڭ اسكەري وقۋ ورنىنا باسشىلىق جاساعان حاميت توقتامىشەۆتىڭ بەيىتىنە قۇلىپتاس قويىلىپ، قورشاۋ ورناتىلادى.

رەسمي دەرەك كوزدەرىنە سۇيەنسەك، كەزىندە الاش ۇكىمەتىنىڭ اسكەري قايراتكەرى اتانعان ح. توقتامىشەۆتىڭ جەتەكشىلىگىمەن سەمەيدە قۇرامىندا 38 وفيسەر مەن 750 جاۋىنگەرى بار 1-الاش پولكى قۇرىلعان.

اۋدان اكىمى راميل ساعاندىقوۆتىڭ ايتۋىنشا، الداعى ۋاقىتتا قىزىل اسكەرمەن بولعان شايقاستا قازا تاپقان باتىر جونىندەگى مالىمەتتەردى ايتىسكەر اقىن قاليحان التىنبايەۆ «كوكپەكتى» اتتى كىتابىندا جازعان.

«قازاق ەلىنىڭ قالىپتاسۋ جولىندا ايانباي تەر توگىپ، كەلەشەك ۇرپاقتىڭ قامى ءۇشىن سوڭىنا دەيىن كۇرەسكەن قايراتكەرلەرىمىزدى ارداقتاۋ - ءبىزدىڭ باستى پارىمىز»، - دەيدى راميل ساعاندىقوۆ.