ديماش قۇدايبەرگەن امەريكادا قىزىل كىلەمىنەن ءجۇرىپ ءوتتى - فوتو، كەسكىن

استانا. قازاقپارات - قازاقستاندىق ءانشى ديماش قۇدايبەرگەن «American music awards» شاراسىنىڭ قىزىل كىلەمىنەن ءجۇرىپ ءوتتى، دەپ حابارلايدى قازاقپارات.

45 كەزەكتى «American music awards» شاراسى بۇگىن، 20- قاراشادا لوس-اندجەلەس قالاسىندا ءوتىپ جاتىر.

وتانداسىمىز مۇندا قۇرمەتتى قوناق رەتىندە قاتىسۋدا.

ايتا كەتەيىك، بۇل ديماشتىڭ ا ق ش- قا العاشقى ساپارى. 19- قاراشا كۇنى ءانشىنى امەريكالىق فاناتتار لوس-اندجەلەس اۋەجايىندا ىستىق ىقىلاسپەن قارسى الدى. سونداي-اق، قىزىل كىلەمىنەن ءجۇرىپ ءوتۋ شاراسى كەزىندە ديماش قىتايلىق Youku ۆيدەو پورتالىنىڭ تىكەلەي ەفيرىندە سۇحبات بەرىپ، شاراعا قاتىسۋى جونىندە ءوز اسەرىمەن ءبولىستى.

«American music awards» - ا ق ش- تىڭ ەڭ تانىمال مۋزىكالىق ماراپاتتاۋ شاراسى. جىل سايىن انشىلەر جىلدىڭ ەڭ ۇزدىك نوميناتسيالارى بويىنشا ماراپاتتالادى.

شارا 1973-جىلى باستاپ ۇيىمداستىرىلىپ كەلەدى، كەشتىڭ ەڭ العاشقى جۇرگىزۋشىسى مايكل دجەكسون بولعان.