بۇل تۋرالى بۇگىن قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ ءتوراعاسىنىڭ ورىنباسارى بەيبىت شاحانوۆ ق ر پارلامەنتىنىڭ ماجىلىسىندە «نۇر وتان» فراكسياسى جانىنان قۇرىلعان كوميسسيا وتىرىسىندا ءمالىم ەتتى.
«رەسپۋبليكالىق بيۋدجەتتەن اقتوبە، شىعىس قازاقستان، جامبىل، قوستاناي، قىزىلوردا جانە سولتۇستىك قازاقستان وبلىستارىنداعى جوبالاردى (باسپانا قۇرىلىسى بويىنشا) ورتاق قارجىلاندىرۋعا 14,2 ميلليارد تەڭگە ءبولدى. تۇرعىن ءۇي ينفراقۇرىلىمىن نىعايتۋ جانە باسپانا قۇرىلىسىن ىنتالاندىرۋ ساياساتى اياسىندا ۇلتتىق قوردان 539 ميلليارد تەڭگە ءبولىندى. قازىرگى ۋاقىتتا ونىڭ 460 ميلليارد تەڭگەسى نەمەسە 85 پايىزى يگەرىلدى»، - دەدى بەيبىت شاحانوۆ.
سونداي-اق، ول 2015-2016-جىلدارى مەملەكەتتىك باعدارلاما اياسىندا 42 مىڭ پاتەردىڭ قۇرىلىسى باستالعانىن اتاپ ءوتتى.
ونىڭ 17,9 مىڭ پاتەرى پايدالانۋعا بەرىلدى. «نۇرلى جەر» باعدارلاماسى اياسىندا بيىل نەسيەلىك جانە جالدامالىق 16 مىڭ پاتەردىڭ قۇرىلىسى جالعاستى. 2018-جىلى 8600 پاتەردىڭ قۇرىلىسى اياقتالادى. جالپى العاندا، بيىلعى 10-ايدىڭ قورىتىندىسى بويىنشا، مەملەكەتتىك ينۆەستيتسيا ەسەبىنەن شامامەن 13 مىڭ پاتەر تۇرعىزىلدى.
جىل سوڭىندا دەيىن تاعى 9,5 مىڭ پاتەر پايدالانۋعا بەرىلەدى. ەڭ كوپ پاتەر الماتى قالاسىندا تۇرعىزىلسا، ەڭ از كورسەتكىش قاراعاندى وبلىسىندا تىركەلگەن»، - دەپ ءوز ءسوزىن تۇيىندەدى بەيبىت شاحانوۆ.
اۆتور: ايجان سەرىكجان قىزى