ءداستۇرلى شارا شاڭحاي ىنتىماقتاستىق ۇيىمىنىڭ شتاب-پاتەرىندە ءوتتى جانە وعان ۇيىمعا مۇشە مەملەكەتتەردەن كەلگەن، بەيجىڭنىڭ جوعارى وقۋ ورىندارىندا ءبىلىم الىپ جاتقان ستۋدەنتتەر قاتىستى.
«بايقاۋ مەن ءۇشىن جاڭا مۇمكىندىكتەر مەن ءبىلىم- عىلىمنىڭ الاڭى بولدى. بىرنەشە اي بويى جۇرگىزىلگەن دايىندىق بارىسىندا ش ى ۇ تۋرالى مول دەرەكتەرگە قانىقتىق جانە وقۋىمدى اياقتاعان سوڭ، وسى ۇيىمدا جۇمىس ىستەيمىن دەپ شەشتىم. بايقاۋ شىن مانىندە شانحاي رۋحىنا لايىق دوستىق سارىندا ءوتتى»، - دەدى ا. جارىلقاسىنوۆا قازاقپارات تىلشىسىنە بەرگەن سۇحباتىنا.
بايقاۋدىڭ ەكىنشى جانە ءۇشىنشى ورىندارىن جىن شي (قىتاي) جانە ايدانا اسقاروۆا (قازاقستان) يەلەندى.
ەسكە سالا كەتسەك، «21- عاسىر كوشباسشىسى» بايقاۋى - «ش ى ۇ - ورتاق ءۇيىمىز» كەشەندى باعدارلاماسىنىڭ ءبىر شاراسى. اتالعان باعدارلاما اياسىندا «ش ى ۇ ۇلگىسى» ينتەراكتيۆتى ويىنى مەن ستۋدەنتتەر اراسىندا ۇزدىك عىلىمي ماقالا بايقاۋى ءوتتى. سونداي-اق، ش ى ۇ جاستارعا ارنالعان اشىق ەسىك كۇندەرىن تۇراقتى نەگىزدە ۇيىمداستىرادى.