قىزىلوردادا قىتاي كومپانياسى تىڭايتقىش وندىرەتىن زاۋىت سالماق

قىزىلوردا. قازاقپارات -  قىزىلوردادا قىتايلىق «Dayuan Group» كومپانياسى اۋىل شارۋاشىلىعىنا قاجەتتى تىڭايتقىش وندىرمەك، دەپ حابارلايدى قازاقپارات ءتىلشىسى.

قىزىلوردادا كەشەدەن بەرى ءوتىپ جاتقان «بايقوڭىر ينۆەست» ينۆەستيتسيالىق فورۋمى اياسىنداعى جيىندا قىتايلىق «Dayuan Group» كومپانياسىنىڭ ديرەكتورى ۆانگ ديەنفەەنگ ازوت تىڭايتقىشىن وندىرەتىن حيميالىق زاۋىت سالۋدى دا كوزدەپ وتىرعانىن جەتكىزدى.

سەكسيالىق وتىرىستا قازاقستاندىق قارجى ينستيتۋتتارىنىڭ جەتەكشىلەرى مەن ساراپشىلارى ەڭبەك ونىمدىلىگى، قازاقستان-قىتاي اراسىنداعى يمپورتتىق، ەكسپورتتىق تاۋارلار ءوسىمى جايىندا، ينۆەستيتسيالىق جوبالاردى ءتيىمدى شارتتارمەن، ۇسىنىستارمەن ۇشتاستىرۋ باعىتىندا باياندامالار جاسادى.

شارا سوڭىندا قىتايلىق كاسىپورىن جەتەكشىلەرىمەن ىنتىماقتاستىق، كاسىپكەرلىك اياسىنداعى كەلىسىمدەر مەن مەموراندۋمدارعا قول قويىلدى.

اۆتور: ەلۋباي اۋەزوۆ