ەگدە جاستاعى ازاماتتاردىڭ قورلىعىنا ۇشىرايتىن جاس قىزداردىڭ تاعدىرى الەم جۇرتشىلىعىن الاڭداتۋدا. بۇل تۋرالى NUR. KZ پورتالى videoboom.cc سايتىنا سىلتەمە جاساپ حابارلايدى.
يەمەندە 14 جاستاعى مىنا قىز بۇگىندە ەكى بالانىڭ اناسى اتانىپ وتىر.
ەكىنشى رەت بوسانعانىنان كەيىن قانسىراپ جۇرگەن قىز بالانىڭ جاعدايىنا ەشكىم الاڭداپ جاتقان جوق. ەشقانداي ءبىلىم الماي، تۇرمىس تاۋقىمەتىن تارتقان جەتكىنشەك، ءتىپتى وزىنە قالاي كومەكتەسەرىن بىلمەيدى.
نۋدجۋد الي - الەم بويىنشا اجىراسقان ايەلدەردىڭ ىشىندەگى ەڭ جاسى سانالادى. ونى سەگىز جاسىندا 24 جاستاعى جىگىتكە تۇرمىسقا بەرگەن. نەكە شارتى بويىنشا كۇيەۋى وعان كامەلەت جاسقا تولمايىنشا ساۋساعىنىڭ ۇشىن دا تيگىزبەۋى ءتيىس ەدى.
الايدا جىگىت بۇل تىيىمعا نازار اۋدارماي، نۋدجۋدتى زورلاپ، سوققىعا جىعىپ وتىرعان. ەكى ايلىق نەكەسىنەن كەيىن قىز بالا كۇيەۋىنەن قاشىپ ۇلگەرىپ، جۇرتتان كومەك سۇرايدى. بۇل وقيعا ەلدە تەز تاراپ كەتىپ، نۋدجۋد الي، ءتىپتى «2008-جىلدىڭ ايەلى» اتانادى.
ءۇندىستاندا تۇراتىن حاسينا حاتۋندى 13 جاسىندا 19 جاستاعى اليگە تۇرمىسقا بەرگەن. سۋرەتتە حاتۋن 15 جاستا جانە جۇكتىلىكتىڭ بەسىنشى ايىندا. ول ومىرىندە مەكتەپكە بارىپ كورمەگەن.
ال بحوپال قالاسىنداعى تويدا 14 جاستاعى ۇل بالا 12 جاسار قىزدى قالىڭدىعى ەتۋدە.
مىنا فوتوداعى 14-16 جاستاعى قىزدار كەلىن مەن انا اتانىپ ۇلگەرگەن.
فەيرۋز احمەد حايدەردى اۋىر دەرتكە شالدىققان اناسى 11 جاسىندا 25 جاستاعى جىگىتكە تۇرمىسقا بەرۋگە ءماجبۇر بولعان.
قىزىن ساتقان انا سول اقشاعا وزىنە وتا جاساتپاق. نەكە شارتىنا سايكەس، بۇل جىگىت تە قىزعا كامەلەت جاسقا تولمايىنشا تيىسپەۋى كەرەك ەدى. الايدا ول كەلەسى ءتۇنى-اق جەتكىنشەكتى زورلاپ تاستاعان.
شوشىپ قالعان فەيرۋز كۇيەۋىنەن قاشىپ، كومەك سۇرايدى. قىزدىڭ اكەسى مەن اتاسى ونى ءوز قامقورلىعىنا الدى. ەندى ولار كۇيەۋ جىگىتكە اقشاسىن قايتارۋ كەرەك، نە بولماسا قىزىن بەرۋى ءتيىس.
تاعى دا ءۇندىستان. توي فوتوسىندا كۇيەۋ جىگىت 14 جاستا، ال قالىڭدىق نەبارى بەستە.
پاكىستاندا تۇسىرىلگەن مىنا سۋرەتتەگى قىزدار دا جاستايىنان تۇرمىسقا شىعىپ جاتىر.