تابيعات قورعاۋشىلار نورۆەگيانىڭ اركتيكادا مۇناي بارلاۋىنا نارازىلىق ءبىلدىردى

 شاعىمدى «گرينپيس» جانە «تابيعات پەن جاستار» ۇيىمى تۇسىرگەن. ارىزدانۋشىلار سوتتان بيلىكتىڭ ارەكەتىن كونستيتۋتسياعا قايشى دەپ تاپتى. ويتكەنى ۇكىمەت بۇل ارقىلى ءوزى بەكىتكەن كليمات جونىندەگى پاريج كەلىسىمىنىڭ شارتتارىن بۇزىپ وتىر. ال بارلاۋ جۇمىستارى ايماقتاعى ەكولوگيالىق جۇيەگە وراسان زور نۇقسان كەلتىرەدى. تابيعاتتى قورعاۋشىلار عيمارات الدىنا مۇزدان كونستيتۋتسيانىڭ ەكولوگيالىق بابى كورسەتىلگەن ءمۇسىن جاساپ قويدى. وتكەن جىلى نورۆەگيا ۇكىمەتى 13 كومپانياعا اركتيكاداعى قايراڭدا مۇناي بارلاۋعا رۇقسات بەرگەن بولاتىن. بۇل كوپشىلىكتىڭ نارازىلىعىن تۋعىزىپ، 150 مىڭ ادام ماسەلەنى قايتا قاراۋدى تالاپ ەتىپ، وتىنىشكە قول قويدى.

ترۋلس گۋلوۆسەن، نورۆەگياداعى «گرينپيس» ۇيىمىنىڭ وكىلى:

 - ءبىزدىڭ ماقساتىمىز -  ۇكىمەت بەرگەن رۇقساتتىڭ زاڭسىز ەكەنىن سوت ارقىلى دالەلدەپ، ونىڭ كۇشىن جويۋ. سونىمەن قاتار بيلىك وسى جاعدايدان كەيىن تابيعاتقا زيان كەلتىرەتىن قادامدارعا بارمايدى دەپ سەنەمىز.

http://khabar.kz