ەندى بۇل قۇجاتتىڭ كۇشىمەن يتاليا قانشا شىعىنعا باتسا دا، الداعى 10 جىلدا اۋاعا تارايتىن كومىرقىشقىل گازىن ەداۋىر قىسقارتۋعا مىندەت الادى. قازىر اپپەنين تۇبەگىندە 11 ەلەكتر ستانسياسى كومىر وتىنىن قولدانادى. ولار ەلگە قاجەت ەنەرگيانىڭ 16 پايىزىن ءوندىرىپ، اۋاعا 40 ميلليون توننا كومىرقىشقىل گازىن ءبولىپ جاتىر. ياعني بۇل ءوندىرىس قالدىقتارىنىڭ %40- ىن قۇرايدى. دەگەنمەن، ەڭ «لاس» كومىردەن باس تارتۋ ءۇشىن الدىمەن ورنىن الماستىراتىن وتىن تابۋ قاجەت. سوندىقتان ۇكىمەت جاڭا ستراتەگيا بويىنشا ەلەكتر قۋاتىن ءوندىرۋ ىسىندە گازدىڭ ۇلەسىن ارتتىرىپ، جاڭارتىلعان كوزدەردى تارتادى.
2030 -جىلعا قاراي ونىڭ ۇلەسى % 55- عا جەتۋى كەرەك. قورشاعان ورتانى قورعاۋ ءمينيسترىنىڭ ايتۋىنشا، ريم قازىردەن- اق ايتارلىقتاي جەتىستىكتەرگە جەتىپ وتىر.
دجان لۋكا گاللەتتي، يتاليانىڭ قورشاعان ورتانى قورعاۋ ءمينيسترى:
- بۇگىندە ەۋروپا بويىنشا ەڭ ۇتىمدى ەنەرگەتيكالىق كەشەندەردىڭ ءبىرى بىزدە ەكەندىگىن ايتا كەتكىم كەلەدى. ماسەلەن، گەرمانيادا ەنەرگەتيكالىق سەكتوردىڭ باسىم بولىگىن كومىر وتىنى الادى. ال فرانسيا ەلەكتر ەنەرگياسىن اتوم ەلەكتر ستانساسىنان شىعارادى. بۇگىندە ولار اتومدىق ەنەرگەتيكادان باس تارتۋ ءۇشىن كوپتەگەن قيىندىققا تاپ بولدى. مۇنى مينيستر ەكولوگيا مەن ەنەرگەتيكا سالاسىندا ريەۆوليۋتسيا دەپ اتادى. 90-جىلداردىڭ باسىندا يتاليا كومىرقىشقىل گازىن % 39- عا قىسقارتۋعا مىندەتتەلگەن ەدى. قازىر مەملەكەت ينفاقۇرىلىم مەن ەنەرگەتيكالىق سەكتوردىڭ وسىمىنە 175 ميلليارد ەۋرو بولۋگە دايىن.
ايتا كەتۋ كەرەك، ەۋرووداق ەلدەرىنىڭ باسىم بولىگى كومىردى قولدانىستان شىعارۋعا بارىنشا تالپىنىپ كەلەدى. ال بەلگيا بۇل وتىننان الدەقاشان باس تارتىپ ۇلگەرگەن.
www.24.kz