بۇل تۋرالى قازاقپارات ءتىلشىسى حابارلادى. قازاقستان حالقى اسسامبلەياسىنىڭ باستاماسىمەن 2015 -جىلدان باستاپ قولعا الىنعان جوباعا اعىمداعى جىلى بارلىعى 2000 وقۋشى بەلسەندى تۇردە اتسالىستى. بايقاۋ ءۇش باعىت بويىنشا جۇرگىزىلدى. ءبىرىنشىسى، «اسىل ءسوز» مەكتەبى» وبلىستىق «شەشەندىك ونەر» بايقاۋىنا - 32, ەكىنشىسى، «كەمەل ەلدىڭ كەمەڭگەر قالامگەرلەرى» رەسپۋبليكالىق شىعارمالار بايقاۋىنىڭ وڭىرلىك كەزەڭىنە - 28, ءۇشىنشىسى، «#مىڭبالا2017» ۆيدەروليگىنە 45 بالا قاتىستى.
بايقاۋدىڭ ماقساتى - ەتنوس توپتارىنىڭ جاستارى اراسىندا مەملەكەتتىك ءتىلدىڭ قولدانىلۋ اياسىن كەڭەيتۋ، ءتىل مادەنيەتىن كوتەرۋ، شەشەندىك ونەردىڭ مۇرالارىن ناسيحاتتاۋ، تىلگە شەشەن ءسوز شەبەرلەرىنىڭ ونەرىنە قولداۋ كورسەتۋ. سونداي- اق، وسكەلەڭ ۇرپاقتىڭ بويىندا پاتريوتتىق سەزىمدى تاربيەلەيتىن، ءبىلىم مەن ءوزىن- ءوزى جەتىلدىرۋگە دەگەن قۇشتارلىقتى ارتتىراتىن، ەلگە قامقور بولۋعا باۋليتىن ەسسە مەن ولەڭدەر جازۋ جانە وقۋشىلاردىڭ شىعارماشىلىق، زياتكەرلىك قابىلەتىن دامىتۋعا قولداۋ كورسەتۋ بولىپ تابىلادى. بايقاۋعا اۋدانداردان، قىزىلوردا جانە بايقوڭىر قالاسىنان 8-11 سىنىپ ارالىعىنداعى ءتۇرلى ەتنوس وكىلدەرىنىڭ وقۋشىلارى قاتىستى. قازىلار القاسىنىڭ قۇرامىندا فيلولوگيا عىلىمدارىنىڭ كانديداتى، پروفەسسور امان اباسيلوۆ، وبلىستىق ىشكى ساياسات باسقارماسى «تىلدەردى وقىتۋدىڭ وڭىرلىك ورتالىعى» م ك ق ك مامانى ءلاززات ورتايەۆا، «قوعامدىق كەلىسىم» ك م م ءبولىم باسشىسى، ق ر قوعام قايراتكەرى ەرجان ءۋايىس بولدى. قاتىسۋشىلاردىڭ شىعارمالارى قازاق تىلىندە ۇسىنىلىپ، ءادىلقازىلار جەڭىمپازداردى انىقتادى. ناتيجەسىندە، ءار نوميناتسيا بويىنشا جەڭىمپاز اتانعان وقۋشىلار ارنايى ديپلومدارمەن جانە باعالى سىيلىقتارمەن ماراپاتتالدى.
«اسىل ءسوز» مەكتەبى» وبلىستىق «شەشەندىك ونەر» بايقاۋى بويىنشا ءبىرىنشى ورىندى سىرداريا اۋدانى №36 ورتا مەكتەبى، ەكىنشى ورىندى شيەلى اۋدانى №252 ورتا مەكتەبى، ءۇشىنشى ورىندى جالاعاش اۋدانى №31 ورتا مەكتەبى مەن قىزىلوردا قالاسى №3 مەكتەپ گيمنازياسى يەلەندى. «كەمەل ەلدىڭ كەمەڭگەر قالامگەرلەرى» رەسپۋبليكالىق شىعارمالار بايقاۋىنىڭ وڭىرلىك كەزەڭىندە ءبىرىنشى ورىندى سىرداريا اۋدانىنان نۇرگۇل ۋاكىلوۆا، ەكىنشى ورىندى جالاعاش اۋدانىنان تيمۋر لي قانجىعاسىنا بايلادى. «#مىڭبالا2017» ۆيدەروليگى بويىنشا ءبىرىنشى ورىنعا ارال اۋدانىنان رينات چۋماش، ەكىنشى ورىنعا قارماقشى اۋدانىنان گۇلحانىم ماردييەۆا، ءۇشىنشى ورىنعا جالاعاش اۋدانى لايىق دەپ تانىلدى. جەڭىمپازدار رەسپۋبليكالىق بايقاۋعا جولداما الدى.
اۆتور: ەلۋباي اۋەزوۆ