قۋا ۋي كومپانياسى قازاقستاندىق ستۋدەنتتەرگە ءبىلىم گرانتىن ءبولدى
ايتا كەتەيىك، استانادا Huawei ۇيىمداستىرعان ورتالىق ازياداعى يننوۆاتسيا كۇنى ءوتىپ جاتىر. تۇڭعىش رەت ۇيىمداستىرىلعان بۇل جيىندا 150 دەن استام عالىمدار مەن ساراپشىلار، تاڭداۋلى ماماندار باس قوسىپ، اقپاراتتىق- كوممۋنيكاتسيالىق تەحنولوگيالاردىڭ دامۋ بولاشاعىن، «سيفرلىق جىبەك جولىن» قۇرۋ باستاماسىن تالقىلاۋدا. «بۇل ءبىز ءۇشىن تاريحي مۇمكىندىك. بۇگىن استانادا اقپاراتتىق- كوممۋنيكاتسيالىق تەحنولوگيالاردى قولدانۋ تاسىلدەرىن جانە قاۋىپسىز قالا، اقىلدى فەرما، اقىلدى بايلانىس جانە وزگە دە جوبالاردى قۇرۋداعى ءموبيلدى ينتەرنەتتىڭ الەۋەتىن تالقىلاۋ ءۇشىن جينالدىق. الداعى 30 جىلدا ورتالىق ازيا حالىقتارىنىڭ ومىرىنە ۇلكەن وزگەرىس ەنگەلى تۇر. تۇتاس مەملەكەتتەر اقپاراتقا نەگىزدەلىپ، بارلىق سالالار تسيفرلىق سيپاتقا كوشەدى» ، - دەدى Huawei كومپانياسىنىڭ ۆيتسە- پرەزيدەنتى لين جۋيتسي يننوۆاتسيا كۇنىنىڭ اشىلۋ سالتاناتىندا.
سالتاناتتى شارا بارىسىندا Huawei وكىلدەرى مەن قازاقستاندىق ج و و باسشىلارى كومپانيانىڭ «جاس وسكىن» جاھاندىق ءبىلىم بەرۋ جوباسىن رەسمي تۇردە ىسكە قوستى. بۇل جوبا الەمنىڭ تۇكپىر- تۇكپىرىندەگى اقپاراتتىق- كوممۋنيكاتسيالىق تەحنولوگيالار سالاسىندا ءبىلىم الاتىن ستۋدەنتتەردىڭ كاسىبي بىلىكتىلىكتەرىن ارتتىرۋعا، ءبىلىم كوكجيەكتەرىن كەڭەيتۋگە باعىتتالعان. سونداي- اق، اقپاراتتىق- كوممۋنيكاتسيالىق تەحنولوگيالار سالاسىنداعى قازاقستاننىڭ جەتەكشى ەكى وقۋ ورنى - ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى مەن IT ۋنيۆەرسيتەت ستۋدەنتتەرىنە گرانت سەرتيفيكاتى تابىس ەتىلدى. ياعني، 2018 -جىلى اتالعان وقۋ ورىندارىنىڭ ەڭ ۇزدىك 10 ستۋدەنتى ىرىكتەلىپ الىنادى جانە Huawei- ءدىڭ شنجىن قالاسىنداعى شتاب- پاتەرىندە تاعىلىمداماعا جىبەرىلەدى.
Huawei كومپانياسى جىل سايىن جالپى تابىسىنىڭ 10 پايىزىن عىلىمي زەرتتەۋ جۇمىستارى مەن ءبىلىم بەرۋ باعدارلامالارىنا قولداۋ رەتىندە جۇمسايدى. سوڭعى 10 جىلدا كومپانيا بۇل ماقساتقا 45 ميلليارد ا ق ش دوللارىن بولگەن. ج و و ستۋدەنتتەرىنە ارنالعان Huawei- ءدىڭ «جاس وسكىن» باعدارلاماسى 2009 -جىلى باستاۋ العان. ءدال وسى باعدارلاما ارقىلى 9 جىلعا جۋىق ۋاقىت ىشىندە الەمنىڭ 90 ەلىنەن كەلگەن 20 مىڭنان استام ستۋدەنت كاسىبي بىلىكتىلىكتەرىن شىڭداعان.
اۆتور: ايجان سەرىكجان قىزى