وڭتۇستىك ءوڭىردىڭ بۇركىتشىلەرى ەل چەمپيوناتىندا توپ جاردى - فوتو
تاراز قالاسىنان 20 ك م قاشىقتىقتاعى جامبىل اۋدانىنا قاراستى، بەكتوبە اۋىلىنىڭ اتشابارىندا 9-دان 21 جاسقا دەيىنگى 21 ساياتشى ءوزارا باق سىناستى. جاس ساياتشىلار ەلىمىزدىڭ 8 وبلىسى مەن استانا جانە الماتى قالالارىنان كەلدى.
3 ءتۇرلى جاس ەرەكشەلىگى بويىنشا وتكەن چەمپيوناتتىڭ قورىتىندىسى بويىنشا، تورەشىلەر ۇزدىك 3 سپورتشىنى انىقتادى. چەمپيوناتتىڭ «التىنىن» استانا قالاسىنان كەلگەن قۇدايبەرگەن راۋيل ۇلى، وڭتۇستىك قازاقستان وبلىسىنان تولەمىرزا پاڭ مەن جامبىل وبلىسىنان بەرىكبولسىن باباجان جەڭىپ الدى.
جالپى العاندا مەدالداردىڭ باسىم بولىگىن جامبىل جانە وڭتۇستىك قازاقستاندىق بۇركىتشىلەر الدى.
سپورتتىق شارانى ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ كوميتەتىنە قاراستى شتاتتىق ۇلتتىق كوماندالار مەن سپورتتىق رەزەرۆ ديرەكسياسى ۇيىمداستىردى.