NichePhone-S گاباريتى نەبارى 90x50 م م، ال قالىڭدىعى - 6,5 م م قۇرايدى. سالماعى 38 گرامم جانە Android 4.2 Jelly Bean وپەراتسيالىق جۇيەسىندە MediaTek MT6572A ەكى يادرولى پروتسەسسوردىڭ باسقارۋىمەن جۇمىس ىستەيدى. ءبىراق، سمارتفوننىڭ ديسپلەيى سەنسورلى ەمەس، قاراپايىم مونوحرومدى - دياگونالى 0,96 ديۋيم جانە رۇقسات ەتۋى 128x64 پيكسەل. ونىڭ ەسەسىنە باتارەياسىنىڭ سىيىمدىلىعى 550 ما·چ.
ازىرلەۋشىلەردىڭ ايتۋىنشا ونىڭ قۋاتى ءجاي كۇتۋ رەجيمىندە 72 ساعاتقا نەمەسە ۇزدىكسىز سويلەسۋ بارىسىندا ءۇش ساعاتقا دەيىن جەتەدى. سونىمەن قاتار، NichePhone-S اپپاراتىندا Wi-Fi اداپتەرى مەن Bluetooth, ديكتوفون، قوڭىراۋلى ساعات مەن اۋەندى اۋەدەگى قويمادان قابىلدايتىن مۋزىكا ويناتۋشى ورناتىلعان. ارينە، بۇل اپپارات ارقىلى باسقا سمارتفوندارعا ءتان قوڭىراۋ شالۋ جانە ماتىندىك حابارلاما الماسۋ فۋنكسيالارىن ورىنداۋعا بولادى.
تەلەفون ونىڭ بەتكى پانەلىندە ورنالاسقان اپپاراتتىق تۇيمەشەلەر ارقىلى باسقارىلادى. سوندىقتان ونىڭ ديزاينى قاراپايىم قالتا كالكۋلياتورىنا قاتتى ۇقسايدى. ونى قۋاتتاۋ ءۇشىن Micro-USB پورتى پايدالانىلادى، ال كورپۋسى اق نەمەسە قارا ءتۇستى بولىپ كەلەدى.
سمارتفون جاپونيادا بۇگىننەن باستاپ 88 ا ق ش دوللارىمەن ساتىلىمعا شىعارىلدى.