بيىل بوكستان قازاقستان چەمپيوناتىندا قانداي جاڭا ەسىمدەر شىقتى؟

استانا. قازاقپارات - بۇگىن شىمكەنتتە بوكستان ەل بىرىنشىلىگى ءوز مارەسىنە جەتتى. ون كۇنگە سوزىلعان بايراقتى دودادا چەمپيوندار مەن جۇلدەگەرلەر انىقتالدى. ولاردىڭ اراسىندا وسى ۋاقىتقا دەيىن ەسىمى بەلگىسىز بولىپ كەلگەن، جاڭادان تانىلعان سپورتشىلار دا بار. بۇگىن قازاقپارات ءتىلشىسى وسى ءدۇبىرلى دودادا توپ جارعان جاڭا ەسىمدەر تۋرالى مالىمەتتەردى جاريالاماق.

49 ك گ سالماقتا اقمولالىق تەمىرتاس ءجۇسىپوۆ توپ جاردى. ت. ءجۇسىپوۆ 2013, 2014 جانە 2016 -جىلى دا ەل چەمپيونى بولعان. وسى جولى 4 دۇركىن قازاقستان چەمپيونى دەگەن اتاققا قول جەتكىزدى.

49 كەلى سالماقتىڭ جەڭىمپازدارى مەن جۇلدەگەرلەرى:

التىن: تەمىرتاس ءجۇسىپوۆ (اقمولا وب ل.)

كۇمىس جۇلدە: شالقار ايقىنباي (و ق و)

قولا جۇلدەگەرلەر: سابىر جولاۋشيەۆ (پاۆلودار وبل.) جانە جاندوس نەسىپجان (اقمولا وبل.)

52 كەلى سالماقتا جاڭا چەمپيوننىڭ ەسىمى بەلگىلى بولدى. بۇل سالماقتا بيىل وڭتۇستىك قازاقستاننان ولجاس باينيازوۆ توپ جاردى. وتكەن جىلى بۇل سالماقتىڭ كوشىن ازامات يساقۇلوۆ باستاعان بولاتىن.

52 كەلى سالماقتىڭ چەمپيوندارى مەن جۇلدەگەرلەرى:

التىن: ولجاس باينيازوۆ (و ق و)

كۇمىس جۇلدە: ازامات يساقۇلوۆ (ماڭعىستاۋ وبل.)

قولا جۇلدەگەرلەر: ءانۋار مۋزاپپاروۆ (الماتى وبل.) جانە اباي قۋاندىقوۆ (اقتوبە وبل.)

56 كەلى سالماقتا استانالىق ءىلياس سۇلەيمەنوۆ توپ جاردى. بۇل سالماقتا ول 2012 -جىلى چەمپيون اتانعان بولاتىن. وسىمەن ەكىنشى مارتە چەمپيون اتانىپ وتىر.

56 كەلى سالماقتىڭ چەمپيوندارى مەن جۇلدەگەرلەرى:

التىن: ءىلياس سۇلەيمەنوۆ (استانا)

كۇمىس جۇلدە: جانبولات قىدىربايەۆ (جامبىل وبل.)

قولا جۇلدەگەرلەر: نۇرسۇلتان كوشەعۇلوۆ (اقمولا وبل.) جانە نۇربول قالجانوۆ (ماڭعىستاۋ وبل.)

60 كەلى سالماقتا بيىل ماڭعىستاۋلىق بەرىك ءابدىراحمانوۆ توپ جاردى. وتكەن جىلى بۇل سالماقتا زاكير سافيۋللين كوش باستاعان بولاتىن. ءابدىراحمانوۆ 2012 -جىلى وسى سالماقتا چەمپيون اتانعان. ەندى ول ق ر ەكى مارتە چەمپيونى.

60 كەلى سالماقتىڭ جەڭىمپازدارى مەن جۇلدەگەرلەرى:

التىن: بەرىك ءابدىراحمانوۆ (ماڭعىستاۋ وبل.)

كۇمىس جۇلدە: زاكير سافيۋللين (و ق و)

قولا جۇلدەگەرلەر: ەرتۋعان زەنۋلينوۆ (الماتى وبل.) جانە ادىلەت قۇرمەتوۆ (ش ق و)

64 كەلى سالماقتا وڭتۇستىك قازاقستان وبلىسىنىڭ بوكسشىسى بەكداۋلەت يبراگيموۆ چەمپيون اتاندى. وتكەن جىلى دا يبراگيموۆ توپ جارعان بولاتىن. بيىل دا سول بيىگىنەن كورىنە ءبىلدى.

64 كەلى سالماقتىڭ جەڭىمپازدارى مەن جۇلدەگەرلەرى:

التىن: بەكداۋلەت يبراگيموۆ (و ق و)

كۇمىس جۇلدە: سابىرجان بەكبەرگەنوۆ (اقمولا وبل.)

قولا جۇلدەگەرلەر: قۋان قۋاتوۆ (پاۆلودار وبل.) جانە ءساناتالى تولتايەۆ (الماتى ق.)

قازاقتىڭ سالماعى اتانىپ كەتكەن 69 كەلىدە بيىل جاڭا ەسىم جارق ەتتى. بۇل سالماقتا جامبىلدىق اسلانبەك شىمبەرگەنوۆ بيىكتەن كورىنە ءبىلدى. سونداي- اق، ول ەل بىرىنشىلىگىندەگى ەڭ ۇزدىك جۇدىرىقتاسقان بوكسشى اتاعىنا يە بولدى. وتكەن جىلى بۇل سالماقتا ابىلايحان ءجۇسىپوۆ توپ جارعان بولاتىن. ول بيىل وسىدان ەكى اي بۇرىن گەرمانيادا وتكەن الەم چەمپيوناتىندا جۇلدەگەر بولعانى ءۇشىن ەل بىرىنشىلىگىنەن بوساتىلعان.

69 كەلى سالماقتىڭ جەڭىمپازدارى مەن جۇلدەگەرلەرى:

التىن: اسلانبەك شىمبەرگەنوۆ (جامبىل وبل.)

كۇمىس جۇلدە: قاناعات مارالوۆ (استانا)

قولا جۇلدەگەرلەر: بەكبولات قۇرامىسوۆ (الماتى وبل.) جانە رۋستام شايمەردەنوۆ (قاراعاندى وبل.)

75 كەلى سالماقتان دا جاڭا چەمپيون شىقتى. ول وڭتۇستىك قازاقستاننىڭ تۋماسى اباي تولەش. بۇل سالماقتا وتكەن جىلى ءابىلحان امانقۇل ەرەكشەلەنگەن. امانقۇل دا بيىلعى چەمپيوناتتان بوساتىلعان بولاتىن.

75 كەلى سالماقتىڭ جەڭىمپازدارى مەن جۇلدەگەرلەرى:

التىن: اباي تولەش (و ق و)

كۇمىس جۇلدە: ەرىك ءالجانوۆ (ماڭعىستاۋ وبل.)

قولا جۇلدەگەرلەر: ساپارباي ايداروۆ (الماتى ق.) جانە ۆلاديسلاۆ ستولبوۆسكي (قاراعاندى وبل.)

81 كەلى سالماقتا وليمپيادانىڭ ەكى دۇركىن كۇمىس جۇلدەگەرى ماڭعىستاۋلىق ادىلبەك نيازىمبەتوۆ چەمپيون اتاندى. نيازىمبەتوۆتىڭ قارسىلاسى فينالدا جاراقاتىنا بايلانىستى رينگكە شىققان جوق. وتكەن جىلى بۇل سالماقتا جانىبەك ءالىمحان ۇلى كوش باستاعان بولاتىن. وكىنىشكە قاراي ول بيىل شيرەك فينالدان ارى اسا المادى.

81 كەلىنىڭ جەڭىمپازدارى مەن جۇلدەگەرلەرى:

التىن: ادىلبەك نيازىمبەتوۆ (ماڭعىستاۋ وبل.)

كۇمىس جۇلدە: بەكزات نۇرداۋلەتوۆ (ماڭعىستاۋ وبل.)

قولا جۇلدەگەرلەر: بەك نۇرماعانبەت (وقو) جانە ميحايل كوحانچيك (قوستاناي وبل.)

91 كەلى سالماقتا قوستانايلىق بوكسشى انتون پينچۋكتىڭ مەرەيى ۇستەم بولدى. ول وتكەن جىلى جانە 2012-2013 -جىلدارى دا ەل چەمپيونى اتانعان بولاتىن. بيىل ءتورتىنشى مارتە ەل بىرىنشىلىگىندە كوش باستاپ وتىر.

91 كەلى سالماقتىڭ جەڭىمپازدارى مەن جۇلدەگەرلەرى:

التىن: انتون پينچۋك (قوستاناي وبل.)

كۇمىس جۇلدە: نۇربول التايەۆ (اتىراۋ وبلىسى)

قولا جۇلدەگەرلەر: ابزال قۇتتىبەكوۆ (و ق و) جانە مۇحامەدجان ەركىن (و ق و)

بيىل اسا اۋىر سالماقتا دا جاڭا چەمپيون پايدا بولدى. ول جامبىل وبلىسىنىڭ بوكسشىسى نۇرسۇلتان امانجولوۆ. وتكەن جىلى بۇل سالماقتا ولجاس بۇقايەۆ ۇزدىك اتانعان بولاتىن.

+91 كەلى سالماقتىڭ جەڭىمپازى مەن جۇلدەگەرلەرى:

التىن: نۇرسۇلتان امانجولوۆ (جامبىل وبلىسى)

كۇمىس جۇلدە: ولجاس بۇقايەۆ (پاۆلودار وبلىسى)

قولا جۇلدەگەرلەر: نۇربولات سەرماحانوۆ (استانا ق.) جانە ايبولدى داۋرەن ۇلى (ماڭعىستاۋ وبل. )

100 كەلى سالماقتىڭ جەڭىمپازى مەن جۇلدەگەرلەرى:

 التىن: سانجار جابباروۆ (قاراعاندى وبلىسى)

 كۇمىس: تالعات امرەنوۆ ( ش ق و)

قولا مەدال: اقجىگىت ورالوۆ (قاراعاندى وبلىسى) جانە اقجىگىت ورالوۆ (قاراعاندى وبلىسى)

وسىلايشا ەل بىرىنشىلىگى دە ءوز مارەسىنە جەتتى. جالپىكوماندالىق ەسەپتە 3 التىن، 2 كۇمىس، 3 قولا مەدال جەڭىپ العان وقو بوكسشىلارى ءبىرىنشى ورىنعا يە بولسا، ەكىنشى ورىن 2 التىن 3 كۇمىس 2 قولا جەڭىپ العان ماڭعىستاۋلىق بوكسشىلاردىڭ ۇلەسىندە. ۇزدىك ۇشتىكتى 2 التىن 1 كۇمىس يەلەنگەن جامبىلدىق تۇيىقتادى.

اۆتور: كۇنسۇلتان وتارباي