ەلىمىزدە وتاندىق جەدەل دايىندالاتىن كەسپە ساتىلا باستايدى
نارىقتاعى باعاسى دا سالىستىرمالى تۇردە ارزان. 130 تەڭگەدەن ساۋدالانادى دەپ جوسپارلانىپ وتىر. جوبا «قازاگرو» ۇلتتىق باسقارۋشى حولدينگىنىڭ قولداۋىمەن جۇزەگە استى. جەدەل ازىرلەنەتىن تاعامنىڭ ءوندىرىسى دە جىلدام ءجۇرىپ جاتىر. قامىردىڭ دايىن تاۋارعا اينالۋى ءۇشىن بىرنەشە مينۋت جەتكىلىكتى.
كاسىپورىن يەلەرى ايىنا التى ميلليون، ال جىلىنا 60 ميلليون كەسپەگە دەيىن وندىرەمىز دەپ جوسپارلاپ وتىر.
الماز زاريپوۆ، KazBrand ج ش س باس ديرەكتورى:
- ساپاسى جاقسى. دەنساۋلىققا زياندى ەشقانداي زات قوسپايمىز. باعاسى بولسا، تومەندەتەمىز. سالماعى اۋىر. قازىر جەدەل تاماقتاندىرۋ كومبيناتىندا 30-عا جۋىق مامان ەڭبەك ەتۋدە.
ايتا كەتەيىك، بۇل جوبانىڭ جۇزەگە اسۋىنا «قازاگرو» ۇلتتىق حولدينگى ۇيىتقى بولىپ وتىر. ۇيىمعا قاراستى «قازاگرو قارجى» اكسيونەرلىك قوعامى كومبينات جۇمىسىنا 900 ميلليون تەڭگەدەن استام قاراجات ءبولىپتى.
باۋىرجان ءسابيتوۆ، «قازاگروقارجى» ا ق ينۆەستيتسيالىق جوبالار دەپارتامەنتىنىڭ ديرەكتورى:
- جۇمسالعان جالپى شىعىن - 1 ميلليارد 233 ميلليون تەڭگە. ونىڭ 981 ميلليون تەڭگەسىن «قازاگروقارسى» اكسيونەرلىك قوعامى ءبولدى. بۇل قارجى قۇرىلىس جۇمىستارىنا، تەحنولوگيالىق قۇرال- جابدىقتار ساتىپ الۋعا جانە اينالىمداعى قاراجاتتى تولىقتىرۋعا جۇمسالدى.
اگروونەركاسىپ كەشەنىن قولداۋ ماقساتىندا جاۋاپتى مينيسترلىك بىرنەشە جوبانى ازىرلەدى. سونىڭ ءبىرى - اۋىل شارۋاشىلىعىنىڭ باسىم باعىتتارىن دامىتۋدىڭ جانە اگروونەركاسىپ كەشەنىن مەملەكەتتىك قولداۋدى جەتىلدىرۋدىڭ كارتاسى. ونى ىسكە اسىرۋ قايتا وڭدەۋ ونىمدەرىنىڭ ءوندىرىسىن 1,9 تريلليون تەڭگەدەن 3 تريلليون- عا دەيىن ۇلعايتۋعا مۇمكىندىك بەرەدى.
باعداۋلەت قالكوزوۆ، ق ر اۋىل شارۋاشىلىعى مينيسترلىگىنىڭ دەپارتامەنت ساراپشىسى:
- نەگىزگى باسىم باعىت رەتىندە 9 باعىت قاراستىرىلعان. ولار: ءسۇت، ەت، تەرى، ءجۇن، جەمىس- كوكونىس، مايلى داقىلدار، ءداندى داقىلدار، كارتوپ جانە قانت قىزىلشاسى. قازىر وسى باعىتتار بويىنشا 1345 زاۋىت جۇمىس ىستەپ جاتىر. ونىڭ 435- ءى اتالعان كارتاعا ەنگىزىلگەن.
www.24.kz