دۇنيەجۇزىلىك دەنساۋلىق ساقتاۋ ۇيىمى قاراشا ايىنىڭ باسىندا دەلي اۋاسىنىڭ لاستانۋى قاۋىپسىز دەڭگەيدەن 30 ەسە اسىپ تۇسكەنىن حابارلادى. كولەمى 2,5 ميكرون (رم 2,5) اسپايتىن زياندى بولشەكتەردىڭ كونتسەنتراتسياسى 1 كۋب مەتردە 700 ميكروگرامنان اسىپ كەتكەن. مۇنداي بولشەكتەر ادام شاشىنىڭ ديامەترىنەن دە كىشكەنتاي بولىپ تابىلادى. ولارعا شاڭ- توزاڭ، قارا كۇيە، سونداي- اق سۋلفاتتار مەن نيتراتتار جاتادى. مۇنداي زاتتار كوبىنە ءىرى مەگاپوليستەردە اۋانىڭ لاستانۋىنا الىپ كەلەدى.
سالىستىرىپ قارايىق، لوندونداعى ەڭ جوعارعى كورسەتكىش 1 كۋب مەتردە 69 ميكروگرامدى قۇرايدى. سوندىقتان، دەلي تۇرعىندارى قالا ءۇستىن تۇمشالاعان ءتۇتىندى گازدى كامەراعا تەڭەيدى.
الايدا، سوعان قاراماستان، ءۇندىستاننىڭ استاناسى الەمدەگى ەڭ لاستانعان قالا بولىپ سانالمايدى. مۇنداعى شاڭ مەن توزاڭنىڭ جىلدىڭ كونتسەنتراتسياسى 122 م ك گ/م3 قۇرايدى. دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرىنە سۇيەنسەك، دەلي وسىنداي كورسەتكىشپەن الەمدەگى ەڭ لاس قالالارى رەيتينگىندە 11-ورىنعا تۇراقتايدى ەكەن.
رەيتينگتە يراننىڭ زابول قالاسى 217 م ك گ/م3 كورسەتكىشپەن كوش باستاپ تۇر. ەكىنشى ورىندا ءۇندىستاننىڭ گۆاليور قالاسى ورنالاسقان. سونىمەن قاتار، بەستىككە ءۇندىستاننىڭ اللاحاباد، ەر- رياد قالالارى جانە ساۋد ارابياسىنىڭ ال- دجۋبايل قالاسى ەندى.
د د س ۇ دەرەكتەرىنە سايكەس، الەمدەگى ەڭ لاس ەلدەر پاكىستان، كاتار، اۋعانىستان، بانگلادەش جانە مىسىر بولىپ تابىلادى. ەۋروپا قۇرلىعىندا سالىستىرمالى تۇردە تۇركيانىڭ، بولگاريانىڭ جانە سەربيانىڭ اۋاسى تازاراق ەكەن.
نەعۇرلىم لاس ەلدەر اۆستراليا، برۋنەي، جاڭا زەلانديا، ەستونيا جانە فينليانديا بولىپ تابىلادى.
ال ستوكگولم الەمدەگى اۋاسى ەڭ تازا قالا دەپ تانىلدى. بۇل ەلدە (شۆەتسيادا) 1990 -جىلدان بەرى كومىرقىشقىل گازدىڭ اۋاعا تارالۋى 25 پايىزعا ازايعان. 2050 -جىلعا قاراي بيلىك قازبا وتىننان باس تارتۋدى جوسپارلاپ وتىر.
سونىمەن قاتار، ۆەللينگتون، كانبەررا، وتتاۆا، ەدينبۋرگ، مونتيەۆيدەو، تاللينن، حەلسينكي، موناكو جانە مادريد وزدەرىنىڭ تازا اۋاسىمەن ماقتانا الادى.
دەرەككوزى: http://news.turizm.ru