بۇل نوۋ- حاۋ بىردەن جاھاندىق بۇقارالىق اقپارات قۇرالدارىنىڭ نازارىن اۋداردى. ءبىراق ءدۇيىم جۇرتتى ەلەڭ ەتكىزگەن جاڭا تەحنولوگيا شىن مانىندە تەك جارناما عانا بولىپ شىقتى.
مەديا مەن ينتەرنەتتى شۋلاتقان گادجەت مىنە، وسى. ونەرتاپقىشتاردىڭ ايتۋىنشا، بۇل قۇرىلعى ارقىلى كەز كەلگەن جەردە ەكولوگيالىق تازا اۋامەن دەم الۋعا بولادى. تەڭدەسى جوق سۇزگى تازارتاتىن اۋانىڭ كولەمى ءبىر تال اعاش بولەتىن اۋامەن شامالاس.
ءبىز - گرۋزيا ازاماتتارىمىز. ەلىمىزدەگى باستى ماسەلەلەردىڭ ءبىرى - اۋانىڭ لاستانۋى. ورماندارىمىز قۇرىپ جاتقاندىقتان، تىرشىلىگىمىزگە قاتەر ءتونىپ تۇر. سول ءۇشىن ءار ادامنىڭ وزىنە ارنايى ورمان ويلاپ تابۋدى ۇيعاردىق. وسى بەينەروليك ء«وز ورمانىڭدا دەم ال» دەپ اتالادى. قۇرىلعى تىسكە بەكىتىلەدى. تازارتىلعان اۋا جۇرەتىن تۇتكىتەر مۇرىنعا قاراي باعىتتالعان.
سوفيا كۆانتالياني، كومپانيا وكىلى:
- جالپى قوعام وسى جاڭالىقتى ءارتۇرلى قابىلداعان. بىرەۋلەرىنە جاڭا تەحنولوگيا ۇناپ، ونى ساتىپ الۋعا تاپسىرىس بەرگەن. الايدا كوپشىلىگى اۋانىڭ لاستانۋىمەن وزگە ادىستەرمەن كۇرەسۋ كەرەك دەپ سانايدى.
راسىندا ەلدى شۋلاتقان Treepex گادجەتى اۋانى تازارتپايدى ەكەن. ول ورمانداردى ساقتاۋعا ارنالعان اۋقىمدى ۇگىت ناۋقانىنىڭ ءبىر بولىگى عانا. وسىلايشا يدەيا اۆتورلارى وسى ماسەلەگە قوعام نازارىن اۋدارتۋدى كوزدەگەن.
سوفيا كۆانتالياني، كومپانيا وكىلى:
- ەكولوگيالىق ماسەلەلەردى تەك اۋانى تازارتاتىن تالداردىڭ كومەگىمەن عانا شەشە الامىز. ناۋقانىمىزدى وتىرىك دەپ اتاۋعا بولمايدى. يننوۆاتسيالىق تەحنولوگيالار عاسىرىندا وسىنداي قۇرىلعىنىڭ شىعۋى ابدەن مۇمكىن. ءبىراق ءبىز وعان قارسىمىز. ونىڭ قاجەتى بولاتىنداي جاعدايعا تابيعاتىمىزدى جەتكىزبەيىك. ورماندارىمىز بەن اعاشتاردى ساقتاپ قالعىمىز كەلەدى.
كومپانيامىزدىڭ باستى ماقساتى دا وسى. شىندىعىندا گرۋزيالىق ونەرتاپقىشتار گادجەت ەمەس، تال وتىرعىزۋدىڭ يننوۆاتسيالىق الاڭىن ويلاپ تاۋىپتى. ارنايى سايتتان تۇتىنۋشىنىڭ اتىمەن اتالاتىن اعاش ساتىپ الۋعا بولادى. وعان ورناتىلعان ارنايى چيپتىڭ كومەگىمەن ساتىپ الۋشى ءوسۋى مەن دامۋىن قاداعالاپ وتىرۋعا مۇمكىندىك الادى. سونداي- اق وتىرعىزىلاتىن ورنىن دا تاڭداي الاسىز. ازىرشە اعاشتاردى تەك ەكى جەردە، ورتتەن زارداپ شەككەن گرۋزياداعى بورجومي ورمانى مەن كەنياداعى تاۋدا وتىرعىزۋعا بولادى. جاقىن ارادا بۇل تىزىمگە سولتۇستىك جانە وڭتۇستىك امەريكا قوسىلاتىن ءتۇرى بار. وسىلايشا كەز كەلگەن ادام جەر شارىنىڭ باسقا ايماعىندا ءوز تالىن ەگە الادى.
www.24.kz