Stan.kz تىلشىسىنە ەكسكليۋزيۆتى سۇحبات بەرگەن ءانشى، وتاندىق شوۋ- بيزنەس وكىلدەرىنىڭ شىنايى بەت- پەردەسىن اشىپ بەردى. اسىرەسە، جەكە ءومىرىن جۇرتقا جاريا قىلاتىن ارىپتەستەرىنىڭ قىلىعىن تۇسىنە الماي ءجۇر.
«ءبىر وكىنىشتىسى ءىنى- قارىنداستارىمىز وسى ونەر ادامدارىنىڭ اندەرىن جاتتاپ، فاناتتارى بولىپ، گۇل شوقتارىن سىيلاپ، حاتتار جازىپ، ءتۇرلى سىيلىقتار بەرىپ قولداۋ كورسەتىپ جاتادى عوي. ال، ولاردىڭ جەكە ومىرىندەگى كەلەڭسىز جاڭالىقتارى جايلى ايتۋ كەرەك ەمەس سياقتى. ويتكەنى ءىنى- قارىنداستار ءوسىپ كەلە جاتىر» ، - دەيدى باعلان.
باعلاننىڭ بۇلاي دەۋىنىڭ دە وزىندىك سەبەبى بار! ءانشىنىڭ سوزىنشە، جۇلدىزداردىڭ جەكە ءومىرى جايلى اقپارات تىڭدارمانداردىڭ پسيحولوگياسىنا اسەر ەتىپ، ساناسىنا سىزات تۇسىرەدى دەپ وتىر.
«مىسالى، ءبىر ءانشى اپكە نەمەسە قارىنداسىمىزدى الايىق. ونى بارلىعى جاقسى كورەدى. ءبىراق ول بىرنەشە رەت تۇرمىسقا شىققان. بالاسى بار دەلىك. ونىڭ بارلىعى سول ءارتىستى جاقسى كورەتىن كىشكەنتاي قىزداردىڭ ساناسىنا اسەر ەتەدى. ويتكەنى ونىڭ ءانىن جاتتايدى، ونىڭ ومىرىنە قانىق بولادى. كەيىن ەسەيگەن سوڭ پسيحولوگياسىنا اسەر ەتەدى. كەزىندە مەنىڭ دە سۇيىكتى ءانشىم اجىراسقان ەدى عوي، بىرنەشە رەت تۇرمىس قۇرعان ەدى عوي دەپ. ەشتەڭە ەتپەس، باقىتىن تاۋىپ ءجۇر عوي دەپ جاس قىزدىڭ ساناسىنا قالىپتاسادى. سودان كەيىن ولدا ءوزىنىڭ كۋميرىنىڭ قاتەلىگىن قايتالاۋى مۇمكىن. ودان كەيىن وتباسىنداعى العان اتا- اناسىنىڭ تاربيەسى جايىنا قالادى. ويتكەنى، ءوزىم بىلەمىنگە كەتىپ قالادى» ، - دەيدى باعلان ءابدىرايىموۆ.
سونداي- اق، سۇحبات بارىسىندا باعلان ارىپتەستەرىن دە سىنعا الدى. ءابدىرايىموۆتىڭ ايتۋىنشا، الەۋمەتتىك جەلىدە وتىراتىن انشىلەر قاۋىمىنىڭ شىنايى بەينەسى مىڭ قۇبىلاتىن كورىنەدى. ينستاگرامدى اقىلدىنىڭ كەيپىنە ەنگەنىمەن، ومىردە كەرىسىنشە ارەكەت جاساعان جۇلدىزداردىڭ قىلىعىنا تالاي مارتە كۋا بولعان.
«مەنىڭ بايقاعانىم اركىم ءوزىنىڭ پاراقشاسىن دۇرىس پايدالانعانى دۇرىس سياقتى. ومىردە باسقا بولىپ، الەۋمەتتىك جەلىدە باسقا ءسوز ايتىپ ءجۇرۋ دۇرىس ەمەس. كەيبىر كەزدە ارتىستەردەن سونداي نارسەلەردە بايقالادى» ، - دەيدى «جىگىتتەر» توبىنىڭ ءانشىسى.