ول ءۇشىن كليەنتتەر «مەن بايبەكتەن كەلدىم» كىلت ءسوزىن ايتۋى كەرەك. ونى ايتقان ادامعا مەيرامحانالار 500 تەڭگەگە تۇسكى اس ۇسىنادى. اكسيا بۇگىن عانا بولادى. «بايبەكتەن كەلدىم» دەپ ايتىڭىز، ءبىز سىزگە 500 تەڭگەگە ءبىر ىستىق تاماق پەن ىستىق شاي بەرەمىز. اكىم باۋىرجان بايبەك 500 تەڭگەگە تاماقتانۋعا بولادى دەدى ەمەس پە؟ ءبىز سوعان ساي بولۋعا تىرىسىپ جاتىرمىز! كەلىڭىز» ، - دەدى مەيرامحانا باسشىلىعى Instagramداعى پاراقشاسىندا.
الماتى ينتەرنەت قولدانۋشىلارى بايبەكتىڭ بۇل ءسوزىن قىزۋ تالقىلاۋدا. ولاردىڭ كوپشىلىگى 500 تەڭگەگە تۇك كەلمەيتىنىن ايتسا، كەيبىرى ونداي مەكەمەلەر بار ەكەندىگىن ايتۋدا.
«قازاقپارات» ءتىلشىسى 500 تەڭگەگە تاماقتانۋعا بولاتىن قالاداعى ءبىرقاتار تاماقتانۋ ورىندارىن ارالاپ كوردى. بارلىعىنا بەلگىلى «ۋزبەچكا» ءدامحاناسىندا 500 تەڭگەگە ءبىرىنشى نەمەسە ەكىنشى ىستىق تاماق الۋعا بولادى. «مانتى 400 تەڭگە تۇرادى، سۇيىق تاماق 350 تەڭگە. ەكەۋىن بىردەي 500 تەڭگەگە الا المايسىز. جارتى پورتسيا مانتى الساڭىز 240 تەڭگەڭىز كەتەدى. 300 تەڭگەگە ءۇش ءتۇرلى گارنيرمەن كوتلەت الۋعا بولادى. وعان 1 شاينەك شاي الساڭىز بولادى. بۇل 480 تەڭگە بولادى. نەمەسە 2 سامسا، 1 شاينەك شاي الساڭىز بولادى. جارتى پورتسيا پالاۋ مەن شاينەك شاي 520 تەڭگە بولادى» ، - دەدى اسحانا ادمينيستراتورى.
«قاعانات» اسحانا جەلىسىندە سۇيىق تاماقتار 245-405 تەڭگە بولادى. قويۋ تاماق 215-1000 تەڭگە تۇرادى. گارنير 110 تەڭگە، شاي 85 تەڭگە بولادى. 500 تەڭگەگە تاماق ىشۋگە بولادى.
تاعام» اسحانالار جەلىسىندە سۇيىق تاماق 250-450 تەڭگە، قويۋ تاماق 100-700 تەڭگە، نان 70 تەڭگە، شاي 70 تەڭگە تۇرادى. Shipudim كاۋاپ پىسىرەتىن جەلىدە قوي ەتىنىڭ كاۋابى - 370 تەڭگە، قابىرعادان كاۋاپ - 390 تەڭگە. 500 تەڭگەگە بۇل جەردە تاۋىق ەتىنەن، ۇيرەك ەتىنەن، ساڭىراۋقۇلاقتان جاسالعان كاۋاپ الىپ جەۋگە بولادى.
ايتا كەتۋ كەرەك، كەشە الماتى اكىمى باۋىرجان بايبەك استاناداعى باسپا ءسوز ءماسليحاتى كەزىندە ديەۆالۆاتسيادان سوڭ مەيرامحانالارداعى باعالار تومەندەگەنىن ايتىپ ەدى. ونىڭ ايتۋىنشا، مەيرامحانالاردا 500 تەڭگەگە تاماقتانۋعا بولادى. بۇگىنگى ەكسكۋرسيامىزدان سوڭ بايبەكتىڭ ءسوزىنىڭ جانى بار ەكەندىگىنە كوزىمىز جەتتى. الماتىدا 500 تەڭگەگە تاماقتانۋعا بولادى، ءبىراق وعان ءسىز توياسىز با جوق پا؟ بۇل باسقا سۇراق.
اۆتور: گۇلميرا ءعوسمانالي