بۇل جايلى رەيتەر اگەنتتىگى حابارلايدى.
«حالىقارالىق پوليتسيا دەتەكتيۆتەرى مايك تايسوندى شەتەلدىكتەردىڭ ەلدە بولۋى جونىندەگى زاڭنامانى ساقتاماعانى ءۇشىن قايتارىپ جىبەردى»، - دەلىنگەن چيلي پوليتسياسىنىڭ تۋيتتەردەگى رەسمي پاراقشاسىندا.
پوليتسيا ايگىلى بوكسشىعا قاتىستى زاڭنىڭ ءدال قاي باپتارى قولدانىلعانىن مالىمدەگەن جوق. جەرگىلىكتى ب ا ق- تىڭ حابارلارىنا قاراعاندا، سۋپەراۋىر سالماقتاعى بۇرىنعى الەم چەمپيونى چيلي استاناسى سانتياگودا ءوتىپ جاتقان جاۋىنگەرلىك فيلمدەر فەستيۆالىنىڭ ماراپاتتاۋ راسىمىنە قاتىسۋ ءۇشىن بارعان.
تايسون 1992-جىلى زورلاۋ فاكتىسى بويىنشا التى جىلدىق باس بوستاندىعىنان ايىرۋ جازاسىنا كەسىلىپ، ءۇش جىلىن وتەپ شىققان بولاتىن. 2007-جىلى وعان ەسىرتكى داۋىنا بايلانىستى 24 ساعاتتىق قاماۋ جانە 3 جىلدىق سىناق مەرزىمىن وتەۋ جازاسى بەرىلگەن.
بۇدان تىس، 2012-جىلى جاڭا زەلانديا دا تايسوننىڭ ەلگە كىرۋىنە رۇقسات بەرەتىن ۆيزانى توقتاتقان. چيلي زاڭناماسىنا سايكەس، مەملەكەت ءوز ەلىندە وسىنداي قىلمىستار جاساعان شەتەل ازاماتتارىنىڭ ەلگە كىرۋىنە تىيىم سالۋعا قۇقىلى.