قىسقى وليمپيادا ويىندارى تۋرالى نە بىلەمىز؟
XXIII قىسقى وليمپيادا ويىندارىنىڭ رەسمي اشىلۋ سالتاناتى 9- اقپانعا جوسپارلانعان. ال رەسمي جابىلۋى 25- اقپاندا وتەدى.
ەستەرىڭىزدە بولسا، ەڭ العاشقى قىسقى وليمپيادا ويىندارى 1924-جىلى فرانسيانىڭ شاموني قالاسىندا باستاۋ العان بولاتىن. سودان قازىرگە دەيىن 22 رەت جالاۋى تۇتاندى. ەندى ساناۋلى ايلاردان كەيىن، ناقتىراق ايتساق، 2018-جىلى 9-25 اقپان ارالىعىندا وڭتۇستىك كورەيانىڭ پحەنچحان قالاسىندا XXIII قىسقى وليمپيادا ويىندارى وتەدى.
وسى ورايدا قىسقى وليمپيادا ويىندارىنىڭ تاريحىنا قىسقاشا شولۋ جاساپ، وقىرمان نازارىنا ۇسىنعاندى ءجون سانادىق.
1924
I قىسقى وليمپيادا ويىندارى فرانسيانىڭ شاموني قالاسىندا ءوتتى. العاش رەت ۇيىمداستىرىلعان دوداعا الەمنىڭ 16 ەلىنەن 280 سپورتشى قاتىستى.
1928
Ⅱ قىسقى وليمپيادا ويىندارى شۆەيتساريانىڭ سانكت-موريتس قالاسىندا ۇيىمداستىرىلدى. 25 ەلدەن 464 سپورتشى جارىسقا ءتۇستى.
1932
Ⅲ قىسقى وليمپيادا ويىندارى ا ق ش- تىڭ لەيك-پلەسيد قالاسىندا وتكىزىلدى. 17 ەلدەن كەلگەن 252 سپورتشى باقتارىن سىنادى.
1936
IV قىسقى وليمپيادا ويىندارىن گەرمانيانىڭ گارميش-پارتەنكيرحەن قالاسى قابىلدادى. جۇلدەگە الەمنىڭ 28 ەلىنەن كەلگەن 646 سپورتشى تالاستى.
1948
V قىسقى وليمپيادا ويىندارىنىڭ الاۋى شۆەيتساريانىڭ سانكت-موريتس قالاسىندا ەكىنشى رەت تۇتاندى. بۇل باسەكەدە 28 ەلدەن 669 سپورتشى باقتارىن سىنادى.
1952
VI قىسقى وليمپيادا ويىندارىن نورۆەگيا استاناسى وسلو قابىلدادى. 30 ەلدەن 694 سپورتشى سىنعا ءتۇستى.
1956
VII قىسقى وليمپيادا ويىندارىن يتاليانىڭ كورتينا د'امپەتستسو قالاسى قابىلدادى. 32 ەلدەن 821 سپورتشى قاتىستى.
1960
VIII قىسقى وليمپيادا ويىندارى ا ق ش- تىڭ سكۆو-ۆەلي قالاسىندا ءوتتى. 30 ەلدەن 665 سپورتشى جارىس جولىنا شىقتى.
1964
IX قىسقى وليمپيادا ويىندارى اۆستريانىڭ ينسبۋرك قالاسىندا الاۋىن تۇتاتتى. بايراقتى باسەكەگە 36 ەلدەن 1091 سپورتشى كەلدى.
1968
X قىسقى وليمپيادا ويىندارىن وتكىزۋ فرانسيانىڭ گرەنوبل قالاسىنا بۇيىردى. 37 ەلدەن كەلگەن 1158 ساڭلاق جۇلدە ءۇشىن تالاسقا ءتۇستى.
1972
XI قىسقى وليمپيادا ويىندارى جاپونيانىڭ ساپپورو قالاسىندا ءوتتى. 35 ەلدىڭ 1006 سپورتشىسى قاتىستى.
1976
XII قىسقى وليمپيادا ويىندارىن اۆستريانىڭ ينسبۋرك قالاسى قابىلدادى. 37 ەلدەن كەلگەن 1123 سپورتشى جۇلدەگە تالاستى.
1980
ⅩⅢ قىسقى وليمپيادا ويىندارىنىڭ الاۋى ا ق ش- تىڭ لەيك-پلەسيد قالاسىندا تۇتاندى. 37 ەلدىڭ ءۇمىتىن ارقالاعان 1072 سپورتشى باسكە ءتۇستى.
1984
XIV قىسقى وليمپيادا ويىندارىن بۇرىنعى يۋگوسلاۆيا مەملەكەتىنىڭ سارايەۆو قالاسى قابىلدادى. 49 ەلدەن 1272 سپورتشى قاتىستى.
1988
XV قىسقى وليمپيادا ويىندارى كانادانىڭ كالگاري قالاسىندا ءوتتى. الەمنىڭ 57 ەلىنەن 1423 سپورتشى سىنعا ءتۇستى.
1992
XVI قىسقى وليمپيادا ويىندارى فرانسيانىڭ البەرۆيل قالاسىندا ۇيىمداستىرىلدى. 64 ەلدەن 1801 سپورتشى كەلدى.
1994
XVII قىسقى وليمپيادا ويىندارىن نورۆەگيانىڭ ليللەحامەر قالاسى قابىلدادى. الەمنىڭ 69 ەلىنەن 1739 سپورتشى كەلدى. بايراقتى باسەكەدە قازاقستان قۇراماسى تۇڭعىش رەت قاتىستى. اتاقتى شاڭعىشى ۆلاديمير سميرنوۆ 1 التىن، 2 كۇمىس جەڭىپ الدى. جالپى كوماندالىق ەسەپتە قازاقستان 12 ورىنعا ورنالاستى.
1998
XVIII قىسقى وليمپيادا ويىندارىنىڭ الاۋى جاپونيانىڭ ناگانو قالاسىندا تۇتاندى. 72 ەلدەن 2302 سپورتشى قاتىستى. قازاقستان قۇراماسىنان شاڭعىشى ۆلاديمير سميرنوۆ پەن كونكيمەن جۇگىرۋشى ليۋدميلا پروكاشيەۆا قولا مەدال جەڭىپ الدى. جالپى كوماندالىق ەسەپتە بەلارۋس رەسپۋبليكاسىمەن 20-21 ورىنداردى ءبولىستى.
2002
XIX قىسقى وليمپيادا ويىندارى ا ق ش- تىڭ سولت-لەيك-سيتي قالاسىندا ءوتتى. 77 ەلدەن 2390 سپورتشى كەلدى. قازاقستاندىق سپورتشىلار بۇل وليمپيادادا جۇلدە الا المادى.
2006
XX قىسقى وليمپيادا ويىندارى يتاليانىڭ تۋرين قالاسىندا جالاۋىن جەلبىرەتتى. جارىس جولىنا الەمنىڭ 80 ەلىنەن كەلگەن 2508 سپورتشى جارىس جولىنا شىقتى. بۇل جولى دا قازاقستاندىق سپورتشىلارعا جۇلدە بۇيىرمادى.
2010
XXI قىسقى وليمپيادا ويىندارىن كانادانىڭ ۆانكۋۆەر قالاسى قابىلدادى. 82 ەلدەن 2766 سپورتشى سىنعا ءتۇستى. قازاقستاندىق بياتلونشى ەلەنا حرۋستاليەۆا جەكەلەي سىندا كۇمىس مەدالدى جەڭىپ الدى. جالپى كوماندالىق ەسەپتە قازاقستان مەن ەستونيا ەلدەرى 25-26 ورىندى ءوزارا ءبولىستى.
2014
XXII قىسقى وليمپيادا ويىندارىن رەسەيدىڭ سوچي قالاسى قابىلدادى. بايراقتى باسەكەگە الەمنىڭ 90 ەلىنەن 2800 سپورتشى قاتىستى. قازاقستان نامىسىن بۇل دودادا 52 سپورتشى قورعادى.
سوچيدە مانەرلەپ سىرعاناۋدان ەرلەر اراسىنداعى جەكەلەي باسەكەدە دەنيس تەن قوس باعدارلامادا 255,1 ۇپاي جيناپ، قازاقستان قورجىنىنا قولا جۇلدەنى سالدى. وسىلايشا 2014-جىلى قازاقستان جالپى كوماندالىق ەسەپتە 26-ورىندى يەلەندى.
ەندى الداعى وڭتۇستىك كورەيانىڭ پحەنچحان قالاسىندا وتەتىن XXIII قىسقى وليمپيادا ويىندارىندا وتانداستارىمىز بۇدان دا جوعارى جەتىستىكتەرگە جەتەدى دەگەن ۇمىتتەمىز.
اۆتور: كۇنسۇلتان وتارباي